மலையாள சினிமாவில் சூப்பர் ஸ்டாராக இருப்பவர் நடிகர் மோகன் லால். சமீபத்தில் இவர் நடிப்பில் வெளியான 12த் மேன், அலோன் உள்ளிட்ட படங்கள் கவனத்தைப் பெற்றன.
விரைவில், ஜித்து ஜோசப் இயக்கத்தில் நடித்த நேரு படம் திரைக்கு வருகிறது. மேலும், இயக்குநர் லிஜோ ஜோஸ் பெல்லிசரி இயக்கத்தில் உருவாகும் மலைக்கோட்டை வாலிபன் படமும் அடுத்தாண்டு வெளியாகிறது.
இதையும் படிக்க: வெளியீட்டிற்குத் தயாராகும் நிறங்கள் மூன்று!
இந்நிலையில், நடிகர் மோகன் லாலின் ரசிகர் மன்றத்தைத் துவங்கி 25 ஆண்டுகள் முடிவடைந்ததால் கொச்சியில் தன் ரசிகர்களை அவர் சந்தித்தார். கிட்டத்தட்ட 6 ஆயிரம் பேர் கலந்துகொண்ட இந்நிகழ்வில், அனைவருடனும் நின்றபடி புகைப்படம் எடுக்க மோகன் லால் ஒத்துழைத்திருக்கிறார்.
சலிக்காமல் தன் ரசிகர்களுடன் புகைப்படம் எடுத்த மோகன் லாலின் செயலைப் பலரும் பாராட்டி வருகின்றனர்.