‘இந்தியன் 2’ புகைப்படத்தைப் பகிர்ந்த ஷங்கர்!

இந்தியன் - 2 படப்பிடிப்பு புகைப்படத்தை இயக்குநர் ஷங்கர் வெளியிட்டுள்ளார்.

இயக்குநர் ஷங்கர் இயக்கத்தில் கமல்ஹாசன் நடித்துவந்த இந்தியன் 2 படம் விபத்து உள்ளிட்ட காரணங்களால் பாதியில் நின்றது. கமலின் ‘விக்ரம்’ மிகப்பெரிய வெற்றியைப் பெற்றதால் தற்போது ‘இந்தியன் 2’ படத்தை மீண்டும் தொடங்கியுள்ளனர். 

ஜெயமோகன் எழுத்தில் லைகா தயாரிப்பில் அனிருத் இசையில் ரவி வர்மா, ரத்னவேலு ஒளிப்பதிவில் உருவாகும் இந்தியன் 2 படத்தில் கமலுடன் இணைந்து சமுத்திரக்கனி, பாபி சிம்கா, காஜல் அகர்வால், சித்தார்த், ராகுல் பிரீத் சிங், பிரியா பவானி சங்கர் உள்ளிட்ட பலர் நடிக்கின்றனர். 

இதையும் படிக்க: பின்னோக்கி இழுக்கிறதா 'பகாசூரன்'? திரைவிமர்சனம்!

இப்படத்தின் பிளாஷ்ஃபேக் காட்சிகளுக்கான படப்பிடிப்பு பிகாரில் சமீபத்தில் நிறைவடைந்தது.

அதனைத் தொடர்ந்து, இந்தியன் - 2 படப்பிடிப்பு திருப்பதியில் நடைபெற்று முடிந்தது.

மேலும், அடுத்தகட்ட படப்பிடிப்பு சென்னையில் 30 நாள்கள் நடைபெற உள்ளதால் பிரசாத் ஸ்டூடியோவில் இப்படத்திற்கான பிரம்மாண்டமான செட் அமைக்கப்பட்டுள்ளது.

இந்நிலையில், அதனைக் குறிப்பிடும் விதமாக இயக்குநர் ஷங்கர் தன்  டிவிட்டர் பக்கத்தில், ‘மீண்டும் இந்தியன் 2 படப்பிடிப்பு தளத்தில்..’ என புகைப்படத்தைப் பகிர்ந்துள்ளார்.