கமல்ஹாசனுடன் இணையும் லிங்குசாமி!

திருப்பதி பிரதர்ஸ் தயாரிப்பில் நடிகர் கமல்ஹாசன் நடிக்க ஒப்புக்கொண்டதாக இயக்குநர் லிங்குசாமி தெரிவித்துள்ளார்.

இயக்குநர் லிங்குசாமியின் திருப்பதி பிரதர்ஸ் தயாரிப்பு நிறுவனம் சில ஆண்டுகளாக புதிய படங்களை தயாரிக்கமால் இருந்தது. இதற்கு காரணம் அந்நிறுவன தயாரிப்பில் கமல்ஹாசன் நடிப்பில் வெளியான ‘உத்தம வில்லன்’ தோல்விதான் என பேசப்பட்டு வந்தது. 

இதையும் படிக்க: ரஷியாவில் வசூலைக் குவிக்கும் ‘புஷ்பா’

இந்நிலையில், பிகினிங் படத்திற்கான பத்திரிக்கையாளர்கள் சந்திப்பில் கலந்துகொண்ட இயக்குநர் லிங்குசாமி, “உத்தம வில்லன் திரைப்படத்தால் திருப்பதி பிரதரஸ் பெரிய நஷ்டத்தை சந்தித்ததும் அதன்பின் பட தயாரிப்பை விட்டு விலங்கியதும் உண்மைதான். ஆனால், கமல்ஹாசன் தன் முழு உழைப்பை அதில் கொடுத்தார். இருப்பினும் தோல்வியடைந்தது. அதற்கு அவர் காரணம் இல்லை. ஆனாலும் அந்த நஷ்டத்திற்காக கமல் சாரிடம் பேசியிருக்கிறேன். திருப்பதி பிரதர்ஸ் தயாரிப்பில் மீண்டும் அவர் நடிக்க ஒப்புக்கொண்டுள்ளார்.” எனத் தெரிவித்துள்ளார்.