பையா 2 படத்தில் மீண்டும் கார்த்தி நடிக்கவுள்ளதாக தகவல் வெளியாகியுள்ளது.
கடந்த 2010 ஆம் ஆண்டு லிங்குசாமி இயக்கத்தில் கார்த்தி மற்றும் தமன்னா நடிப்பில் வெளியான 'பையா' திரைப்படம் பெரியளவில் வெற்றி பெற்றது. மேலும், யுவன் ஷங்கர் ராஜா இசையமைப்பில் வெளியான பாடல்களும் நல்ல வரவேற்பை பெற்றிருந்தது.
இப்படத்தின் இரண்டாம் பாகம் குறித்த தகவல்கள் வெளியானது. அதில், பையா 2 வில் ஆர்யா மற்றும் பூஜா ஹெக்டே நடிக்கவுள்ளதாக கூறப்பட்டது.
இந்நிலையில், பையா 2 படத்தில் கார்த்தியே மீண்டும் நடிக்க ஒப்புக்கொண்டுள்ளதாகவும், இப்படம் கார்த்திக்கு 28வது படமாக அமையும் என்றும் கூறப்படுகிறது.
இதையும் படிக்க: சர்வதேச கிரிக்கெட்டில் 13 ஆண்டுகளை நிறைவு செய்த அஸ்வின்!
மேலும், இப்படத்தில் தமன்னாவே கதாநாயகியாக நடிக்கவுள்ளதாகவும் கூறப்படுகிறது. பையா 2 படம் குறித்து விரைவில் அதிகார்வபூர்வ அறிவிப்பு வெளியாகும் என்றும் கூறப்படுகிறது.