நடிகர் யோகிபாபு நடிப்பில் உருவான பொம்மை நாயகி திரைப்படத்தின் ஓடிடி தள வெளியீடு குறித்த அறிவிப்பை படக்குழுவினர் வெளியிட்டுள்ளனர்.
இயக்குநர் பா.ரஞ்சித்தின் தயாரிப்பு நிறுவனமான நீலம் புரொடக்ஷன்ஸ் மற்றும் யாழி பிலிம்ஸ் இணை தயாரிப்பில் உருவாகி வெளியான திரைப்படம் பொம்மை நாயகி. இயக்குநர் ஷான் இயக்கிய இந்தப் திரைப்படத்தில் பிரபல நகைச்சுவை நடிகரான யோகி பாபு முதன்மை கதாபாத்திரத்தில் நடித்துள்ளார்.
இதையும் படிக்க | சாதி, அதிகாரம், தந்தையின் பாசம்...பொம்மை நாயகி திரைவிமர்சனம்
மேலும் பரியேறும் பெருமாள், கபாலி, ஜெய் பீம் படங்களில் நடித்து கவனம் பெற்ற நடிகை சுபத்ரா, யோகி பாபுவின் மனைவியாக நடித்துள்ளார். அறிவு, கபிலன், இளைய கம்பன் மற்றும் சிலர் படத்திற்கு பாடல்கள் எழுதியுள்ளார்கள். சுந்தரமூர்த்தி கே.எஸ். இசையமைத்துள்ளார்.
இந்தப் படம் கடந்த பிப்.3ஆம் தேதி திரையரங்குகளில் வெளியானது. இந்நிலையில் இந்தப் படத்தின் ஓடிடி வெளியீடு குறித்த அறிவிப்பை படக்குழுவினர் வெளியிட்டுள்ளனர்.
அதன்படி ஜீ5 தளத்தில் மார்ச் 10ஆம் தேதி வெளியாகும் என அறிவிக்கப்பட்டுள்ளது.