கல்யாணம் முடிச்சிட்டுதான் சம்பவம்... : இராவண கோட்டம் படத்தின் புதிய விடியோ வெளியீடு!

பிரபல இயக்குநர் நடிகருமான பாக்யராஜின் மகன் ஷாந்தனு சக்கரகட்டி படத்தின் மூலம் தமிழில் கதாநாயகனாக அறிமுகமானார். விஜய்யின் மாஸ்டர் படத்திலும் நடித்திருந்தார். சமீபத்தில் வெளியான சோனி இணையத் தொடரில் (ஸ்டோரி ஆஃப் திங்ஸ்) ஒன்றிலும் நடித்துள்ளார். 

தற்போது, கண்ணன் ரவி தயாரிப்பில் ‘இராவண கோட்டம்’ படத்தில் நடித்து முடித்துள்ளார். இந்தப் படத்தினை ‘மதயானைக் கூட்டம்’ பட இயக்குநர் விக்ரம் சுகுமாரன் இயக்கியுள்ளார். கயல் ஆனந்தி இந்தப் படத்தில் கதாநாயகியாக நடித்துள்ளார். ஜஸ்டின் பிராபகரன் இசையமைத்துள்ளார். 

இந்தப்படத்தின் டிரைலர் நல்ல கவனம் பெற்றது.மே 12ஆம் தேதி உலகமெங்கும் வெளியாக உள்ளதாக நடிகர் ஷாந்தனு தனது ட்விட்டர் பக்கத்தில் கூறியிருந்தார். 

இந்நிலையில் படத்தின் முன்னோட்ட விடியோ வெளியாகியுள்ளது. இதில் ஷாந்தனு-கயல் ஆனந்தி ரொமான்ஸ் காட்சிகள் இடம்பெற்றுள்ளது.