இயக்குநர் ராஜூ முருகன் இயக்கத்தில் நடிகர் கார்த்தி நடிக்கும் ஜப்பான் திரைப்படத்தின் பாடலை படக்குழுவினர் வெளியிட்டுள்ளனர்.
ஜிப்ஸி’ படத்துக்குப் பிறகு ராஜுமுருகன் இயக்கி வரும் படம் ‘ஜப்பான்’. இதில் கார்த்தி நாயகனாகவும், அனு இமானுவேல் நாயகியாகவும் நடிக்கின்றனர். மேலும் தெலுங்கு நடிகர் சுனில், இயக்குநர் விஜய் மில்டன் உள்ளிட்டோர் முக்கிய கதாபாத்திரங்களில் நடிக்கின்றனர்.
இந்தப் படத்தை ட்ரீம் வாரியர்ஸ் பிக்சர்ஸ் தயாரிக்கிறது. ஜி.வி.பிரகாஷ்குமார் இசையமைக்கும் இப்படத்திற்கு ரவிவர்மன் ஒளிப்பதிவு செய்கிறார். திருச்சியில் நடந்த உண்மை சம்பவத்தை பின்னணியாகக் கொண்டு ஜப்பான் திரைப்படத்தின் கதை அமைக்கப்பட்டுள்ளது. இப்படம் வரும் தீபாவளிக்கு வெளியாகிறது.
இந்நிலையில் இந்தப் படத்தில் இடம்பெறும் டச்சிங் டச்சிங் எனும் பாடலை படக்குழுவினர் வெளியிட்டுள்ளனர். இந்தப் பாடலை இயக்குநர் அருண்ராஜ் காமராஜ் எழுதியுள்ளார். நடிகர் கார்த்தி மற்றும் பாடகர் இந்திரவதியும் இந்தப் பாடலைப் பாடியுள்ளனர்.