மை 3 - தொடரின் முதல்பார்வைப் போஸ்டர் வெளியீடு!

சாந்தனு, ஹன்சிகா நடிப்பில் உருவான ‘மை 3’ தொடரின் முதல்பார்வைப் போஸ்டர் வெளியாகியுள்ளது.
மை 3 - தொடரின்  முதல்பார்வைப் போஸ்டர் வெளியீடு!

இந்தியாவின் முன்னணி ஓடிடி தளமான டிஸ்னி+ ஹாட்ஸ்டார், “மை3”  இணையத் தொடரின் பர்ஸ்ட் லுக் போஸ்டரை வெளியிட்டுள்ளது

இந்தத் தொடரில் முன்னணி நட்சத்திரங்களான ஹன்ஷிகா மோத்வானி, முகேன் ராவ், சாந்தனு, ஜனனி ஐயர், அஷ்னா ஜவேரி ஆகியோர் முதன்மை பாத்திரங்களில் நடித்துள்ளனர் 

'பாஸ் என்கிற பாஸ்கரன்' மற்றும் 'ஒரு கல் ஒரு கண்ணாடி' போன்ற காமெடி பிளாக்பஸ்டர் படங்களை இயக்கிய,  பிரபல இயக்குநர்  ராஜேஷ்.எம் இந்த “மை3” தொடரை இயக்கியுள்ளார். ரொமான்டிக் காமெடி ஜானரில், ரோபோவின் காதலை நகைச்சுவையுடன் சொல்லும் சீரிஸாக இந்தத் தொடர் உருவாகியுள்ளது. 

இந்த சீரிஸுக்கு கார்த்திக் முத்துக்குமார் ஒளிப்பதிவு செய்துள்ளார், இசையமைப்பாளர் கணேசன் இசையமைத்துள்ளார். அஷிஷ்  - எடிட்டிங்.

இந்த ஹாட்ஸ்டார் ஸ்பெஷல்ஸ் “மை3” தயாரிப்பை டிரண்ட்லௌட் நிறுவனம் மேற்கொண்டுள்ளது. 

“மை3” டைட்டில் அறிவிப்பை ஹன்ஷிகா மோத்வானி, முகேன் ராவ் இணைந்து பிக்பாஸ் ஹவுஸ் நிகழ்ச்சியில் அறிவித்தார்கள் என்பது குறிப்பிடத்தக்கது. 

“ஒரு கல் ஒரு கண்ணாடி” படத்தின் பிரமாண்ட வெற்றிக்குப் பிறகு நடிகை ஹன்ஷிகா மோத்வானி இயக்குநர் ராஜேஷ் உடன் இணைந்து இந்த வெப் சீரிஸில் பணிபுரிந்துள்ளார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com