செய்தி மடல்
இ-பேப்பர்
/
'ராஜா ராணி -2' தொடரிலிருந்து விலகிய வைஷு சுந்தர், விஜய் தொலைக்காட்சியில் ஒளிபரப்பாகவுள்ள புதிய தொடரில் ஒப்பந்தமாகியுள்ளார்.
'பொன்னி' என பெயரிடப்பட்டுள்ள அந்த தொடர், விஜய் தொலைக்காட்சியில் விரைவில் ஒளிபரப்பாகவுள்ளதாக அதிகாரப்பூர்வமாக அறிவிக்கப்பட்டுள்ளது.
விஜய் தொலைக்காட்சியில் ஒளிபரப்பாகும் தொடர்களுக்கு ரசிகர்கள் மத்தியில் மிகுந்த வரவேற்பு காணப்படுகிறது. இளம் தலைமுறையினரின் ரசனைக்கும் ஏற்றவாறு நெடுந்தொடரின் காட்சிகள் அமைக்கப்பட்டு வருகின்றன.
சமீபத்தில் பாரதி கண்ணம்மா தொடர் நிறைவு பெற்றது. அதற்கு பதிலாக பாரதி கண்ணம்மா இரண்டாவது அத்தியாயம் ஒளிபரப்பாகி வருகிறது.
ராஜா ராணி தொடரின் இரண்டாவது அத்தியாயத்திலிருந்து விலகிய வைஷு சுந்தர், தற்போது புதிய தொடரில் நாயகியாக நடிக்க ஒப்பந்தமாகியுள்ளார்.
'பொன்னி' எனப் பெயரிடப்பட்டுள்ள இந்த தொடரின் முன்னோட்ட விடியோவை விஜய் தொலைக்காட்சி வெளியிட்டுள்ளது. தந்தை மகள் பாசத்தை அடிப்படையாக வைத்து இந்த தொடரின் திரைக்கதை அமைக்கப்பட்டுள்ளதாகத் தெரிகிறது.
தந்தை பெற்ற கடனுக்காக திருமணம் செய்துகொள்ள சம்மதிக்கும் பெண், சந்திக்கும் பிரச்னைகளை அடிப்படையாக வைத்து தொடர் இயங்கலாம்.
தந்தை - மகள் பாசத்தை வைத்து உருவாகும் கதை என்பதால், இந்த தொடருக்கு ஆதரவு பெருகி வருகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
