விஜய்யின் பிறந்தநாளை முன்னிட்டு ரசிகர் ஒருவர் உருவாக்கிய லியோ அனிமேஷன் டீசர் ரசிகர்களைக் கவர்ந்து வருகிறது.
விக்ரம் படத்தின் வெற்றிக்குப் பிறகு இயக்குநர் லோகேஷ் கனகராஜ் நடிகர் விஜய்யுடன் லியோ படத்தில் இணைந்துள்ளார். இதில் த்ரிஷா, சஞ்சய் தத் உள்ளிட்ட பல பிரபலங்கள் இணைந்துள்ளனர்.
மிஷ்கின், சஞ்சய் தத், கௌதம் மேனன் ஆகியோர் காஷ்மீர் படப்பிடிப்பை முடித்துவிட்டதாக லோகேஷ் சமீபத்தில் கூறியிருந்தார். இப்படம் வெளியீட்டிற்கு முன்பே ஓடிடி, இசை உரிமம், விநியோக உரிமம் என ரூ.350 கோடி ரூபாய்க்கு மேல் வருவாய் ஈட்டியுள்ளதாகவும் கூறப்படுகிறது.
லியோ படம் இந்தாண்டு அக்டோபர் மாதம் திரைக்கு வருகிறது. இப்படத்திற்கு அனிருத் இசையமைக்கிறார்.
முதல் பாடலான ‘நா ரெடிதான்’ பாடல் இன்று மாலை 6.30 மணிக்கு வெளியாகும் என படக்குழு தெரிவித்துள்ளது.
இதையும் படிக்க: ஆபாச காட்சிகளில் நடித்தது ஏன்? தமன்னா விளக்கம்
இந்த நிலையில், மேடி மாதவ் என்கிற ரசிகர் விஜய்யின் பிறந்தநாளை முன்னிட்டு லியோ அனிமேஷன் விடியோ ஒன்றை உருவாக்கி யூடியூப்பில் வெளியிட்டுள்ளார். இது ரசிகர்களைக் கவர்ந்து வருகிறது.