'மாமன்னன்’ டப்பிங் பணிகளில் வடிவேலு

மாரி செல்வராஜ் இயக்கத்தில் உதயநிதி ஸ்டாலின் நாயகனாக நடித்துள்ள ‘மாமன்னன்’ திரைப்படத்தின் டப்பிங் பணிகள் துவங்கியுள்ளன.

‘பரியேறும் பெருமாள்’, ‘கர்ணன்’ திரைபடங்களை இயக்கிய மாரி செல்வராஜ் உதயநிதி ஸ்டாலினை வைத்து ‘மாமன்னன்’ என்கிற புதிய படத்தை இயக்கிவந்தார்.

படப்பிடிப்பு சேலம் மற்றும் அதன் சுற்றுவட்டாரப் பகுதிகளில் கடந்த சில மாதங்களாக நடைபெற்று வந்தது.

இதையும் படிக்க | காமாவாக நடிக்கும் மோகன்லால்?

இந்நிலையில், இப்படத்தின் படப்பிடிப்பு கடந்த ஆண்டு முழுமையாக நிறைவு பெற்றது.

இந்நிலையில், இப்படத்தின் டப்பிங் பணிகள் துவங்கியுள்ளன. முதல்கட்டமாக நடிகர் வடிவேலு டப்பிங் பேசி வரும் புகைப்படத்தை படக்குழு பகிர்ந்துள்ளது.

’மாமன்னன்’ படத்திற்கு ஏ.ஆர்.ரஹ்மான் இசையமைக்க, தேனி ஈஸ்வர் ஒளிப்பதிவு செய்துள்ளார். மேலும் ஃபகத் ஃபாசில், வடிவேலு, கீர்த்தி சுரேஷ் உள்ளிட்டோர் முக்கிய வேடங்களில் நடித்துள்ளனர்.