2 கோடிப் பார்வைகள்... ரசிகர்களைக் கவரும் மார்க் ஆண்டனி டிரைலர்!

நடிகர் விஷால், எஸ்.ஜே.சூர்யா நடிப்பில் உருவாகியுள்ள படம் மார்க் ஆண்டனி. இதனை ஆதிக் ரவிச்சந்திரன் இயக்கியுள்ளார். மேலும் படத்தில் சுனில், செல்வராகவன், கிங்ஸ்லி, ஒய்.ஜி.மகேந்திரன், ரிது வர்மா, அபிநயா உள்ளிட்ட பலர் நடித்துள்ளனர். 

படத்துக்கு ஜி.வி.பிரகாஷ்குமார் இசையமைத்துள்ளார். படத்தின் டீசர் அண்மையில் வெளியாகி வரவேற்பை பெற்றிருந்தது. டைம் டிராவலை அடிப்படையாகக் கொண்டு படத்தின் கதை உருவாக்கப்பட்டுள்ளது.

இதையும் படிக்க: ஜெய்பீம் - நீக்கப்பட்ட சண்டைக்காட்சி வெளியானது!

படத்தின் டிரைலர் ஞாயிற்றுக்கிழமை (செப்டம்பர் 3) வெளியாகி ரசிகர்களிடையே நல்ல வரவேற்பினை பெற்று வருவதுடன் யூடியூப்பில் வேகமாக 22 மில்லியன்(2.2 கோடி) பார்வைகளைக் கடந்து டிரெண்டிங்கில் முதலிடம் பிடித்துள்ளது.