புஷ்பராஜ் வருகிறான் வசூலினை வாரிக்குவிக்க: புஷ்பா 2 ரிலீஸ் தேதி அறிவிப்பு!

அல்லு அர்ஜுனின் புஷ்பா திரைப்படம் கடந்த 2022இல் வெளியாகி திரையரங்குகளில் நல்ல வரவேற்பைப் பெற்றது. குறிப்பாக வட மாநிலங்களில் இந்தப் படம் பெரும் வெற்றி படமாக அமைந்தது. அதிலும் புஷ்பா படத்தின் பாடல்கள் உலகம் முழுவதும் புகழ்பெற்றது. சமந்தாவின்  'ஊ சொல்றியா மாமா' பாடல் பட்டி தொட்டியெங்கும் அதிர்ந்தது குறிப்பிடத்தக்கது. 

தற்போது, புஷ்பா - 2 படத்தின் படப்பிடிப்பு நடைபெற்று வருகிறது. வில்லனாக நடிக்கும் ஃபகத் ஃபாசிலுக்கான படப்பிடிப்பு முடிவடைந்ததாக படக்குழு  தெரிவித்துள்ளது. 

இதையும் படிக்க: எடை குறைப்பு: ரசிகரின் கேள்விக்கு கலகலப்பாக பதிலளித்த நடிகை ரித்திகா சிங்!

தெலுங்கு திரையுலகில் முன்னணி நடிகையாக இருப்பவர் நடிகை ராஷ்மிகா மந்தனா. விஜய் தேவரகொண்டாவுடன் 'கீதா கோவிந்தம்’ படத்தில் நடித்ததற்குப் பின் பிரபலமான இவர் தெலுங்கில் முக்கிய நடிகர்களின் நாயகியாக ஒப்பந்தமாகி வருகிறார். புஷ்பா 2வில் நடிக்க அவரது சம்பளம் உயர்த்தியதாகவும் தகவல் வெளியானது. 

இதையும் படிக்க: 4வது நாள் வசூல்: வரலாறு படைத்த ஜவான்! 

புஷ்பா படத்தில் நடித்ததற்காக அல்லு அர்ஜுனுக்கு தேசிய விருது வழங்கப்பட்டதும் குறிப்பிடத்தக்கது. இந்நிலையில் படக்குழு புஷ்பா 2 திரைப்படம் 2024ஆம் ஆண்டு ஆகஸ்ட் 15ஆம் தேதி வெளியாகுமென அதிகாரபூர்வமாக அறிவித்துள்ளது. 

இதையும் படிக்க: மார்க் ஆண்டனி படத்தில் சில்க்காக நடித்தவர் யார் தெரியுமா? 

வசூலினை வாரிக்குவிக்க புஷ்பராஜ் வருகிறான் என தயாரிப்பு நிறுவன தனது ட்விட்டர் (எக்ஸ்) பக்கத்தில் அறிவித்துள்ளது.