ஜாகிா் ஹுசைன் மறைவு: மோடி இரங்கல்

பிரபல தபேலா இசைக் கலைஞா் ஜாகிா் ஹுசைன் மறைவுக்கு பிரதமர் நரேந்திர மோடி இரங்கல் தெரிவித்துள்ளார்.

பிரபல தபேலா இசைக் கலைஞா் ஜாகிா் ஹுசைன்(73) இதயம் சம்பந்தப்பட்ட உடல் நல பாதிப்பால், அமெரிக்காவின் சான் பிரான்சிஸ்கோவில் உள்ள மருத்துவமனையில் கடந்த இரண்டு வாரங்களாக அனுமதிக்கப்பட்டிருந்தார்.

இந்த நிலையில், சிகிச்சைப் பலனின்றி ஜாகிா் ஹுசைன் காலமானதாக அவரது குடும்பத்தினர் திங்கள்கிழமை தெரிவித்தனர்.

இதையும் படிக்க : தபேலா இசைக் கலைஞா் ஜாகிா் ஹுசைன் காலமானார்

அவரது மறைவுக்கு பிரதமர் நரேந்திர மோடி இரங்கல் தெரிவித்து எக்ஸ் தளத்தில் பதிவிட்டுள்ளார்.

“புகழ்பெற்ற தபேலா கலைஞர் ஜாகிா் ஹுசைன் மறைவுக்கு ஆழ்ந்த வருத்தத்தை தெரிவித்துக் கொள்கிறேன். இந்திய பாரம்பரிய இசை உலகில் புரட்சியை ஏற்படுத்திய மேதையாக அவர் நினைவுகூரப்படுவார்.

அவர் தனது இணையற்ற தாளத்தால் கோடிக்கணக்கானவர்களைக் கவர்ந்து தபேலாவை உலக அரங்கிற்கு கொண்டு வந்தார். இதன் மூலம், உலகளாவிய இசையுடன் இந்திய பாரம்பரிய மரபுகளை தடையின்றி கலக்கினார்.

இதனால் கலாச்சார ஒற்றுமையின் சின்னமாக மாறினார். அவரது சின்னச் சின்ன நிகழ்ச்சிகள் மற்றும் ஆத்மார்த்தமான இசையமைப்புகள் இசையமைப்பாளர்கள் மற்றும் இசை ஆர்வலர்களின் தலைமுறைகளை ஒரே மாதிரியாக ஊக்குவிக்கும். அவரது குடும்பத்தினர், நண்பர்கள் மற்றும் உலக இசை சமூகத்தினருக்கு எனது ஆழ்ந்த இரங்கலை தெரிவித்துக் கொள்கிறேன்” எனக் குறிப்பிட்டுள்ளார்.