இயக்குநர் அருண் மாதேஸ்வரன் இயக்கத்தில் தனுஷ் நடித்து வெளியான ‘கேப்டன் மில்லர்’ திரைப்படம் வெற்றிப்படமாக அமைந்துள்ளது.
தொடர்ந்து, தன் 50-வது படத்தை சன் பிக்சர்ஸ் தயாரிப்பில் தனுஷ் இயக்கி வருகிறார்.
இந்தப் படத்தில் தனுஷுக்கு ஜோடியாக துஷரா விஜயனும், முக்கியக் கதாபாத்திரத்தில் சந்திப் கிஷன், செல்வராகவன் ஆகியோர் நடித்துள்ளனர்.
இதையும் படிக்க: ரசிகர்களைக் கவரும் எல்ஐசி விடியோ!
தனுஷ், வடசென்னையை மையமாகக் கொண்ட கேங்க்ஸ்டராக நடிக்கிறார். இதற்காக, சென்னையின் பிரபல ஸ்டூடியோவில் பிரம்மாண்ட செட் அமைக்கப்பட்டு நடைபெற்று வந்த படத்தின் படப்பிடிப்பு சமீபத்தில் நிறைவடைந்தது.
தற்போது, இப்படத்தின் அடுத்தக்கட்ட பணிகள் நடைபெற்று வருகின்றன. இந்நிலையில், இப்படத்திற்கு ‘காத்தவராயன்’ எனப் பெயரிட்டுள்ளதாகப் புதிய தகவல் வெளியாகியுள்ளது.
நடிகர்கள் சிவாஜி, கரண் இருவரும் ‘காத்தவராயன்’ என்கிற பெயர் கொண்ட படத்தில் நடித்திருந்தது குறிப்பிடத்தக்கது.