லியோ படத்தைத் தொடர்ந்து விஜய்யின் 68-வது படத்தை வெங்கட் பிரபு இயக்கி வருகிறார். இதில் நடிகர்கள் ஜெயராம், பிரபு தேவா, மோகன், பிரஷாந்த், வைபவ், சினேகா, லைலா, மீனாட்சி சௌத்ரி உள்ளிட்டோர் நடிக்கின்றனர். படத்துக்கு யுவன் சங்கர் ராஜா இசையமைக்கிறார்.
ஏ.ஜி.எஸ் நிறுவனம் பிரம்மாண்ட பொருள் செலவில் தயாரித்து வருகிறது. இந்தப் படத்தின் படப்பிடிப்பு தொடங்கி நடைபெற்று வருகிறது.
இப்படத்திற்கு, கிரேடஸ்ட் ஆஃப் ஆல் டைம்ஸ் (G.O.A.T. - The Greatest Of All Times) எனப் பெயரிட்ட அறிவிப்பு போஸ்டர் வெளியாகி ரசிகர்கள் மத்தியில் கவனத்தை ஏற்படுத்தியுள்ளது.
இதையும் படிக்க: சோனியா அகர்வாலின் 7/ஜி போஸ்டர்!
இந்த நிலையில், இப்படத்தில் இசையமைப்பாளர் இளையராஜாவும் நடிகர் விஜய்யும் இணைந்து ஒரு பாடலைப் பாட உள்ளதாகத் தகவல் வெளியாகியுள்ளது.
மேலும், இப்பாடலை கங்கை அமரன் எழுதியிருப்பதாகக் கூறப்படுகிறது. இறுதியாக, 2001 ஆம் ஆண்டில் சித்திக் இயக்கத்தில் வெளியான விஜய்யின் பிரெண்ட்ஸ் படத்திற்கு இளையராஜா இசையமைத்திருந்தார். 23 ஆண்டுகள் கழித்து விஜய் படத்தில் இளையராஜா பாட இருப்பது ரசிகர்களிடையே ஆச்சரியத்தை ஏற்படுத்தியுள்ளது.