பா. ரஞ்சித் இயக்கத்தில் வெளியான சார்பட்டா பரம்பரை படத்தில் வம்புல தும்புல பாடல் பாடியவர்களுல் ஒருவர் பாடகி இசைவாணி. கானா பாடல்கள் பாடுவதில் புகழ்பெற்றவர்.
ஜான் ஏ. அலெக்ஸிஸ் இசையமைப்பில் கவிஞர் கபிலன் வரிகளில் இசைவாணி மற்றும் சரவெடி சரண் இணைந்து பாடியிருக்கும் "குக்குரு குக்குரு " பாடல் சமீபத்தில் வெளியானது.
இசையமைப்பாளர் ஜான் ஏ. அலெக்ஸிஸ் இசையயில் கவிஞர் கபிலன் பாடல் எழுதியிருக்கும் இந்த பாடல் கானா பாடல் வகையில் உருவாக்கப்பட்டிருக்கிறது.
திரைப்படங்களுக்கு இசையமைத்துவரும் ஜான் ஏ. அலெக்சின் தனியிசைப் பாடல்களுக்கு வரவேற்பு உள்ளதால் தொடர்ந்து தனியிசைப்பாடல்கள் உருவாக்குவதில் கவனம் செலுத்திவருகிறார்.
உலகம் முழுவதும் சினிமாப் பாடல்களுக்கு இருக்கும் வரவேற்பை போல தனியிசைப்பாடல்களும் பெரும் வரவேற்பை பெற்றுவருவதும் தொழில் நுட்பம் வளர்ந்து வருவதும் இசைத்துறையில் புதிய இசையமைப்பாளர்கள் உருவாவதற்கு எளிதாகவும் இருக்கிறது என்கிறார் இசையமைப்பாளர் ஜான் A அலெக்சிஸ்.
குக்குரு குக்குரு கானா பாடலை ஸ்பெயின் நடனக்கலைஞர்களோடு பாடகி இசைவாணி மற்றும் சரவெடி சரண் இணைந்து பாடலுக்கு நடனமாடியுள்ளனர்.
இந்த பாடல் யூடியூப்பில் வைரலாகி வருகிறது.