பாகுபலி படத்தின் மூலம் இந்திய அளவில் கவனம் பெற்றவர் நடிகர் பிரபாஸ். கே.ஜி.எஃப் புகழ் பிரசாந்த் நீல் இயக்கத்தில் சலார் படத்தில் நடித்து முடித்துள்ளார். இந்தப் படம் சமீபத்தில் வெளியாகி ரூ.700 கோடிக்கும் மேல் வசூலித்து வருகிறது.
சலார் படத்துக்குப் பிறகு கல்கி படத்தில் நடித்து வருகிறார். இன்னும் 20 நாள்கள் படப்பிடிப்பு உள்ளதாக தகவல்கள் தெரிவிக்கின்றன. இந்நிலையில் பிரபாஸின் 24வது படத்தின் தலைப்பு, முதல் தோற்றப் பார்வை போஸ்டர் வரும் பொங்களுக்கு வெளியாகுமென படக்குழு தெரிவித்திருந்தது.
இதையும் படிக்க: கங்குலி பயோபிக்கில் ஆயுஷ்மான் குரானா!
படத்தில் நடித்துள்ள மற்றவர்கள் குறித்து படக்குழு விவரங்களை எதுவும் இன்னும் அதிகாரபூர்வமாக அறிவிக்கவில்லை. ஃபீபுள் மீடியா பேக்டரி தயாரிக்கும் இந்தப் படத்தினை மருதி இயக்கி வருகிறார்.
இந்நிலையில் படத்தின் தலைப்பு, முதல் பார்வை போஸ்டர் ஜன.15ஆம் நாள் காலை 7.08 மணிக்கு வெளியாகுமென படக்குழு தெர்வித்துள்ளது.
இதையும் படிக்க: முதல் படமே வாழ்நாள் சாதனை: அன்பறிவ் சகோதரர்கள் நெகிழ்ச்சி!
பிரபாஸின் 25வது படம் அனிமல் இயக்குநர் சந்தீப் வங்கா இயக்க உள்ளது குறிப்பிடத்தக்கது. அதற்கான ஸ்கிரிப்ட் வேலைகள் தற்போது நடைபெற்று வருகிறது.