பொங்கல் பண்டிகையை முன்னிட்டு நடிகர் சிவகார்த்திகேயனின் அயலான், நடிகர் தனுஷின் கேப்டன் மில்லர், அருண் விஜய்யின் மிஷன் ஆகிய படங்கள் திரைக்கு வந்தன.
பெரிதும் எதிர்பார்ப்புகளுடன் வெளியான அயலானும் கேப்டன் மில்லர் படமும் முதல்நாளில் நல்ல வசூலைப் பெற்றிருந்தன. ஆனால், இரண்டு படங்களுக்கும் கலவையான விமர்சனங்களே கிடைத்தன. அருண் விஜய்யின் மிஷன் படத்திற்கு அதிக திரைகள் கிடைக்காததால் அதன் வசூலில் பாதிப்பு இருந்தது. ஆனால், தற்போது தமிழகத்தில் மிஷன் படத்துக்கு திரைகள் அதிகப்படுத்தப்பட்டுள்ளன.
இதையும் படிக்க: தனுஷ் படத்தில் பிரபல இசையமைப்பாளர்!
அதேநேரம், அதிக திரைகளில் வெளியாகி கவனம் பெற்ற அயலான் திரைப்படம் கடந்த 7 நாள்களில் உலகளவில் ரூ.65 கோடிக்கு அதிகமாக வசூலித்துள்ளதாகவும் கேப்டன் மில்லர் திரைப்படம் ரூ.63 கோடியை வசூலித்துள்ளதாகவும் தகவல் வெளியாகியுள்ளது. மேலும், மிஷன் படமும் ரூ.23 கோடியை வசூலித்ததாகக் கூறப்படுகிறது.
இதனால், பொங்கல் போட்டியில் சிவகார்த்திகேயன் முன்னணியில் இருப்பதாகத் தெரிகிறது. இந்த வார இறுதியிலும் ரசிகர்கள் கூட்டம் இருக்கும் என்பதால் 3 படங்களும் வசூல் ரீதியாக வெற்றி பெற்றுள்ளன!