கடந்த 2015ஆம் ஆண்டு மே மாதம் பிரேமம் திரைப்படம் வெளியானது. அல்போன்ஸ் புத்திரன் இயக்கத்தில் நிவின் பாலி, சாய் பல்லவி, அனுபமா, மடோனா செபாஸ்டியன் ஆகியோர் நடித்திருந்தனர்.
மலையாளத்தை விடவும் தமிழ் ரசிகர்களிடையே மிகுந்த வரவேற்பினை பெற்ற திரைப்படம் பிரேமம். சாய் பல்லவிக்கு இன்றும் மலர் டீச்சர் என்ற கதாபாத்திரம் சிறப்பான ஒன்றாகவிருக்கிறது.
இதையும் படிக்க: அர்ஜுன் தாஸ், காளிதாஸ் ஜெயராமின் ‘போர்’ பட டீசர்!
ராஜேஷ் முருகேஷன் இசையில் அனைத்து பாடல்களும் ஹிட் அடித்தது. பிரேமம் படத்துக்கு பிறகு மலையாள சினிமாவுக்கு தமிழில் புதிய வணிகமே உருவாகியது எனும் அளவுக்கு தாக்கத்தை ஏற்படுத்தியது.
பல வெற்றிப் படங்கள் ரீ-ரிலிஸ் செய்யப்பட்டுவரும் நிலையில் பிரேமம் திரைப்படம் வரும் பிப்ரவரி மாதம் வெளியாகவிருக்கிறது. எஸ்.எஸ்.மீடியா இந்தப் படத்தினை வெளியிடவுள்ளது குறிப்பிடத்தக்கது.
காதலர் தினத்தன்று வெளியாகுமென இருந்த நிலையில் தற்போது பிப்ரவரி 1ஆம் தேதி வெளியாகுமென அறிவிக்கப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.