இம்முறை சிங்கம்.. பிரபு சாலமனின் புதிய படம் அறிவிப்பு!

இயக்குநர் பிரபு சாலமன் இயக்கும் புதிய படத்தின் அறிவிப்பு வெளியாகியுள்ளது.

மைனா, கும்கி, கயல் உள்ளிட்ட படங்களை இயக்கி தமிழ் சினிமாவில் திறமைமிக்க இயக்குநர் எனப் பெயர் எடுத்தவர் பிரபு சாலமன். தனித்துவமானக் கதைக்கருவை எடுத்துக்கொண்டு அதில் காதலைப் பேசுவார். மைனா மற்றும் கும்கி ஆகிய படங்கள் பெரிய வசூல் வெற்றியையும் பெற்றன.

ஆனால், இறுதியாக இயக்கிய தொடரி, காடன் மற்றும் செம்பி ஆகிய படங்கள் எதிர்பார்த்த வெற்றியைத் தரவில்லை.

இந்த நிலையில், பிரபு சாலமானின் புதிய படத்தின் அறிவிப்பு வெளியாகியுள்ளது. இப்படத்திற்கு ‘மம்போ’ எனப் பெயரிடப்பட்டுள்ளனர். இது, சிறுவனுக்கும் சிங்கத்திற்கும் இடையேயான உறவைப் பேசும் படமாக இருக்கும் எனத் தெரிகிறது.

மேலும், உண்மையான சிங்கத்தை வைத்து எடுக்கப்படும் முதல் ஆசிய திரைப்படம் இதுதான் என்றும் குறிப்பிட்டுள்ளனர். கும்பி படத்தில் யானையை வைத்து படத்தை உருவாக்கியவர் இம்முறை சிங்கத்தை கையாளப்போவது ரசிகர்களிடையே எதிர்பார்ப்பை ஏற்படுத்தியுள்ளது.

மம்போ படத்திற்கு டி.இமான் இசையமைக்கிறார். ரோஜா கம்பைன்ஸ் காஜா மைதீன் இப்படத்தை தயாரிக்கிறார்.