இயக்குநர் லோகேஷ் கனகராஜ் லியோ படத்திற்குப் பின் நடிகர் ரஜினிகாந்த்தை வைத்து படம் இயக்கவுள்ளார். ரஜினி - 171 படமாக இது உருவாக உள்ளது.
இதற்கிடையே, இயக்குநர் லோகேஷ் கனகராஜ் மற்றும் நடிகை ஸ்ருதிஹாசன் இணைந்திருக்கும் போஸ்டரை நடிகர் கமல்ஹாசனின் ராஜ்கமல் தயாரிப்பு நிறுவனம் வெளியிட்டிருந்தது.
இது என்னவென்று புரியாமல் இருந்த நிலையில், லோகேஷ் கனகராஜின் பிறந்தநாளை முன்னிட்டு இன்று ராஜ்கமல் அறிவிப்பை வெளியிட்டுள்ளது.
அதன்படி, ’இனிமேல்’ என்கிற பெயரில் துவங்கும் பாடலை நடிகர் கமல்ஹாசன் எழுதியுள்ளார். நடிகை ஸ்ருதிஹாசன் இசையமைப்பதாகவும் அறிமுகம் லோகேஷ் கனகராஜ் என்றும் குறிப்பிட்டுள்ளனர்.
இதனால், லோகேஷ் கனகராஜும் ஸ்ருதிஹாசனும் இணைந்து பாடலில் தோன்றப்போகிறார்கள் என்பது உறுதியாகியுள்ளது.
