செய்தி மடல்
இ-பேப்பர்
77-ஆவது கேன்ஸ் திரைப்பட விழா பிரான்ஸ் நாட்டின் கேன்ஸ் நகரில் நடைபெற்றது. உலகம் முழுவதுமிருந்து திரைத்துறை பிரபலங்கள், ரசிகா்கள் இந்த விழாவில் கலந்துகொண்டனா். பல்வேறு மொழித் திரைப்படங்கள் விழாவில் திரையிடப்பட்டன.
கேன்ஸ் திரைப்பட விழாவில் பல்வேறு பிரிவுகளில் விருதுகள் வழங்கப்படும். அந்தவகையில், இந்திய ஆவணப்பட இயக்குநர் பாயல் கபாடியா இயக்கத்தில் உருவான, ‘ஆல் வி இமேஜின் அஸ் லைட் (All We Imagine as Light)’ திரைப்படம் திரையிடப்பட்டது. இதில், கனி கஸ்ருதி, திவ்ய பிரபா உள்ளிட்டோர் முக்கிய கதாபாத்திரங்களில் நடித்துள்ளனர்.
30 ஆண்டுகளுக்குப் பின் கேன்ஸ் திரைப்பட விழாவில் பங்குபெறும் இந்திய திரைப்படம் இதுதான் என்பதால் பெரிய எதிர்பார்ப்பு இருந்தது. படம் ரசிகர்களிடம் வரவேற்பையும் பெற்றது.
தொடர்ந்து, விருது வழங்கும் நிகழ்வு நேற்று (மே.25) நடைபெற்றது. அதில், இப்படத்திற்கு கிராண்ட் பிரிக்ஸ் (grand prix) விருது வழங்கப்பட்டது. இவ்விருதைப் பெற்ற முதல் இந்திய திரைப்படம் என்பதால், இது இந்திய சினிமாவின் மைல்கல் என பலரும் பாராட்டுகளைத் தெரிவித்து வருகின்றனர்.
பாம்டி’ஓர் விருதுக்குப் பிறகு இரண்டாவது மதிப்புமிக்க விருதான கிராண்ட் பிரிக்ஸை வென்ற முதல் இந்திய இயக்குநர் என்ற பெருமையைப் பாயல் கபாடியா பெற்றுள்ளார்.
முன்னதாக, கபாடியா இயக்கிய, ‘எ நைட் ஆஃப் நௌவிங் நத்திங்’ (A NIGHT OF KNOWING NOTHING) என்ற ஆவணப்படம் 2021-ஆம் ஆண்டு கேன்ஸ் விழாவில் ‘கோல்டன் ஐ’ விருதை வென்றது குறிப்பிடத்தக்கது.
நடிகைகளுடன் இயக்குநர் பாயல் கபாடியா (கருப்பு உடை)
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
