நடிகையும் இயக்குநருமான கங்கனா ரணாவத் எமர்ஜென்சி படத்தின் 2ஆவது டிரைலரை வெளியிட்டுள்ளார்.
பாலிவுட்டில் முக்கியமான நடிகையாக இருப்பவர் கங்கனா ரணாவத். அனுராக் காஷ்யப்பின் 'கேங்ஸ்டர்' என்ற படத்தின் மூலம் பாலிவுட்டில் அறிமுகமான கங்கனாவுக்கு இதுவரை 4 முறை தேசிய விருதுகள் தரப்பட்டுள்ளன.
எமர்ஜென்சி படத்தினை கங்கனா ரணாவத்தே இயக்கியுள்ளார். உடன் இணைத் தயாரிப்பாளராகவும் இருக்கிறார். இந்தப் படத்தை தணிக்கை செய்யவிடாமல் மிரட்டுவதாக கூறியிருந்தார்.
கங்கனா ரணாவத் மக்களவைத் தேர்தலில் போட்டியிட்டு எம்.பி.யாக வெற்றி பெற்றுள்ளதும் குறிப்பிடத்தக்கது.
சமீபத்தில் எமர்ஜென்சி படத்துக்கு தணிக்கைச் சான்றிதழ் வழங்காததற்கு பீபி கொலபாவாலா, ஃபிர்டோஷ் பூனிவாலா அடங்கிய மும்பை உயர்நீதிமன்ற டிவிஷன் அமர்வு மத்திய தணிக்கை வாரியத்தைக் கடுமையாக விமர்சித்திருந்தது குறிப்பிடத்தக்கது.
இந்த நிலையில் 2ஆவது டிரைலரை வெளியிட்டு படம் வரும் ஜன.17ஆம் தேதி வெளியாகுமென அறிவித்துள்ளார்.
தனது எக்ஸ் பக்கத்தில், “ 1975 எமர்ஜென்சி - இந்திய வரலாற்றை நிச்சயத்த பகுதி. இந்திரா- இந்தியாவின் வலிமையான பெண். நாட்டை உருமாற்றும் அவரின் ஆசைக்கு இடையே எமர்ஜென்சி எனும் பெருங் குழப்பத்தில் மூழ்கிவிட்டார்” எனப் பதிவிட்டுள்ளார்.