ஹிட் - 4 அறிவிப்பு... கார்த்தியின் பெயர் என்ன தெரியுமா?

நடிகர் கார்த்தி நடிக்கவுள்ள ஹிட் - 4 படத்தின் அறிமுக போஸ்டரை வெளியிட்டுள்ளனர்.

நடிகர் கார்த்தி மெய்யழகன் படத்தைத் தொடர்ந்து வா வாத்தியார் படத்தில் நடித்து முடித்தார். இன்னும் அப்படம் திரைக்கு வரவில்லை.

பின், சர்தார் - 2 படப்பிடிப்பில் இணைந்தார். இயக்குநர் பி.எஸ். மித்ரன் இயக்கத்தில் பெரிய பொருள் செலவில் உருவாகி வருகிறது. இதில், நடிகர்கள் எஸ். ஜே. சூர்யா, மாளவிகா மோகனன், ஆஷிகா ரங்கநாத் உள்ளிட்டோரும் நடித்துள்ளனர்.

இப்படத்தின் படப்பிடிப்பும் இறுதிக்கட்டத்தை எட்டியுள்ளதால் அடுத்ததாக கைதி - 2 மற்றும் இயக்குநர் சைலேஜ் கொலனு இயக்கத்தில் ஹிட் - 4 படங்களில் நடிப்பார் என எதிர்பார்க்கப்படுகிறது.

இந்த நிலையில், கார்த்தியின் பிறந்த நாளை முன்னிட்டு ஹிட் - 4 படத்தின் அறிவிப்பு போஸ்டரை வெளியிட்டுள்ளனர். இப்படத்தில் ஏசிபி வீரப்பன் என்கிற கதாபாத்திரத்தில் கார்த்தி நடிக்கிறார்.

சிறுத்தை, தீரன் உள்ளிட்ட படங்களில் காவல்துறை அதிகாரியாக நடித்து பாராட்டுகளைப் பெற்றவர் இப்படத்திலும் ரசிகர்களைக் கவரலாம் என எதிர்பார்க்கப்படுகிறது.

இதையும் படிக்க: கல்விக்காக ரூ. 3,400 கோடியைத் தானமாக வழங்கிய ஜாக்கி சான்?