விஜய் ஆண்டனி ஏன் காலணி அணிவதில்லை? உருக்கமான காரணம் சொன்ன மனைவி!
அப்பா குட்டி திரைப்பட இசை வெளியீட்டு விழாவில் ஃபாத்திமா விஜய் ஆண்டனி பேசியது குறித்து...

இசை வெளியீட்டு விழா / விஜய் ஆண்டனி - எக்ஸ்
நடிகரும் இசையமைப்பாளருமான விஜய் ஆண்டனி ஏன் காலணி அணிவதில்லை என்று அவரின் மனைவி ஃபாத்திமா விஜய் ஆண்டனி மனம் திறந்து கூறியுள்ளார்.
அப்பாக்குட்டி திரைப்பட இசை வெளியீட்டு விழாவில் ஃபாத்திமா விஜய் ஆண்டனி இது தொடர்பாக பேசியதாவது:
எங்கள் மகள் மீரா பயன்படுத்த உலகம் முழுக்க இருந்து காலணிகள் வாங்கிக் கொடுத்திருக்கிறோம். அவள் மறைவுக்குப் பிறகு அவை வீட்டில் அப்படியே இருக்கின்றன.
அதையெல்லாம் பார்த்த பிறகு தான் இனி வாழ்நாளில் தான் காலணி அணிவதில்லை என முடிவெடுத்து விஜய் ஆண்டனி காலணி அணிவதில்லை. மீராவின் நினைவாக அவளது கைக்கடிகாரத்தையே இன்று வரை அவர் அணிகிறார் என்று உருக்கமாகக் கூறினார்.
இயக்குநர் மு. மாறன் இயக்கத்தில் விஜய் ஆண்டனி நாயகனாக நடித்துள்ள புதிய படம் ’அப்பா குட்டி’. விஜய் ஆண்டனி ஃபிலிம் கார்பரேஷன் நிறுவனம் தயாரிக்கும் இப்படத்தில் பிரீத்தி அஸ்ரானி, பகவதி பெருமாள், ஜென்ஸன் திவாகர், அருவி மதன் ஆகியோர் முக்கிய கதாபாத்திரங்களில் நடித்துள்ளனர்.
தந்தை - மகள் இடையேயான உறவை மையமாகக் கொண்டு உருவாகியுள்ள இப்படத்திற்கு விஜய் ஆண்டனியே இசையமைத்துள்ளார்.
இப்படம் அக். 16 அன்று வெளியாகும் என அறிவிக்கப்பட்டிருந்த நிலையில், ஜெயிலர் படத்தின் வெளியீட்டால் தள்ளி வைக்கப்பட்டது. நவ. 20 ஆம் தேதி திரையரங்குகளில் இப்படம் வெளியாகவுள்ளது.
Summary
Why does Vijay Antony not wear footwear His wife reveals the poignant reason
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.


