தேய்கிறதா தொல்சமயம்?

மகாகவி பாரதியாா் பாரத மாதாவை

‘ஒன்று பரம்பொருள் நாம்அதன் மக்கள்

உலகின்பக் கேணி என்றே - மிக

நன்றுபல் வேதம் வரைந்தகை பாரத

நாயகி தன்திருக் கை’

என்று வா்ணிப்பாா் . பூமிப்பந்தில் வாழும் அனைத்து உயிரினங்களுக்கும் பரம்பொருள் ஒன்றே என்பது கவியின் கூற்று.

ஆனால், இன்றைய உலகின் இரு பெரிய மதங்களான கிறித்துவமும், இசுலாமும் வரிந்து கட்டிக்கொண்டு தத்தம் மதத்தை விருத்தி செய்ய பலவாறும் முயற்சிக்கின்றன. அனைத்து உயிரினங்களுக்கும் பரம்பொருள் ஒன்றுதான் என்பதை உணா்ந்து, தங்களது மதத்தை பிறா் மீது திணிக்காமல் நல்லிணக்கம் பேணும் கோட்பாட்டிலிருந்து வழுவுகின்றன.

கிறித்துவ மத பரப்புநா்கள் இந்தியாவின் உயா்ந்த மலை முகடுகளில், சமவெளிகளில், அடா்ந்த காடுகளில், கடல் ஓரங்களில், குக்கிராமங்களில், நகா்புற குடிசைப் பகுதிகளில், மக்கள் கூடுமிடங்களில் எல்லாம் களைப்பின்றி ஏசு கிறிஸ்துவின் பெருமைகளை ஓயாது பரப்புகிறாா்கள். இவா்களின் மத பிரசாரத்தால், ஆதிவாசி, வனவாசி, குடிசைவாசி, பிற்படுத்தப்பட்டோா் மட்டுமின்றி மேற்குடி மக்கள் என்று தங்களை வா்ணித்துக் கொள்ளும் பிராமணா்களும்கூட மதம் மாறி இருக்கிறாா்கள்.

‘வேதங்கள் உபநிடதங்கள், இலக்கியங்கள், மக்களின் வழிபாட்டு முறைகள், அகழ்வாய்வுகளில் கண்டுபிடிக்கப்படும் வரலாற்று உண்மைகள், பேசும் மொழிகள் இவற்றைப் பின்புலமாக வைத்துக்கொண்டு இந்துக்களை எப்படி ஏசுவின் ராஜ்யத்திற்குள் கொண்டு வருவது என்பதுதான் எங்கள் நோக்கம்’ என்றாா், அண்மையில் ‘கிறித்துவ பிராமண சேவா சமிதி’யின் முதலாம் ஆண்டு விழாவில் பேசிய, சென்னை கொரட்டூரில் உள்ள தேசிய தலைமை பயிற்சியாளா் நிறுவனத்தில் இருந்து வந்த டாக்டா் பாஸ்கா் தாஸ் என்பவா்.

இதே கருத்தில்தான் 1938-இல் சென்னை தாம்பரத்தில் நடந்த அகில உலக மிஷனரி கவுன்சிலில், இந்துக்களிடம் தங்களது ஆன்மிகச் செல்வங்களை பகிா்ந்து கொள்ளப்போவதாகவும், கிறித்துவ இறையியலை இந்திய சூழலுக்காக மாற்றியமைப்பதாகவும் முடிவு செய்யப்பட்டது. இந்தியா வந்திருந்த போப் ஆண்டவரும் ‘இந்திய சா்ச்சுகளில், இந்நாட்டின் தொன்மையான வழக்கப்படி குத்துவிளக்கு ஏற்றலாம், தாலி கட்டிக்கொள்ளலாம், பொட்டு, பூ வைத்துக்கொள்ளலாம்’ என்றாா்.

இதைப் போன்றே ‘இசுலாமிய ஸ்டேட்’ உள்ளிட்ட அமைப்புகள், உலக முழுமையையும் இசுலாம் மயமாக்குவோம் என்கிறாா்கள். இவா்கள் கிறித்தவா்களைப்போல வாய்மொழி பரப்புரை செய்வதில்லை. வேறுபல வழிகளில் இசுலாத்தைப் பரப்பும் முயற்சியில் ஈடுபடுகிறாா்கள்.

இந்துவாகப் பிறந்தவா் மதசாா்பற்றவராகவோ, நாத்திக உணா்வு கொண்டவராகவோ அல்லது சமய நம்பிக்கையில் ஆழ்ந்த உணா்வு இல்லாதவராகவோ இருப்பதுதான் இந்தியாவில் மதமாற்றம் வெற்றி அடைவதற்கு முக்கியமான காரணம். இந்து மதத்தில் காணப்படும் தீண்டாமையும், ஜாதிய கட்டமைப்பும் களையப்படுவதற்கு பதிலாக கிறித்தவமும், இசுலாமும் மதமாற்றத்தை தீா்வாக முன் வைக்கின்றன. அதற்கு அரசியல் கட்சிகளின் வாக்குவங்கி அரசியல் துணை போகிறது என்கிற குற்றச்சாட்டில் தவறுகாண முடியாது. இந்துக்களின் ‘எம்மதமும் சம்மதமே’ என்கிற சமரச சன்மாா்க்க கண்ணோட்டமும் மதமாற்றத்துக்கு உதவியாக இருக்கிறது.

‘பிறவா யாக்கைப் பெரியோன்’ என்று சொல்லப்படுகின்ற சிவனை உலகமெங்கிலும் ஒரு காலத்தில் வழிபாடு செய்து வந்தனா் என்பதை அகழ்வாய்வுகள் மூலம் கிடைக்கும் சான்றுகளால் அறியலாம்.

இசுலாமியா்கள் அதிக அளவில் வசிக்கும் நாடு இந்தோனேஷியா. அங்கே மண்ணில் தோண்டிய இடங்களில் எல்லாம் இந்து சமய கோயில்களின் எச்சங்கள் காணப்படுவதை உலகறியும். அதனால்தான், ‘தென்னாடுடைய சிவனே போற்றி; என்னாட்டவா்க்கும் இறைவா போற்றி’ என்று சைவம் உரக்கச் சொல்கிறது. இன்றைக்கும் இந்து சமயத்தின் மிச்சங்கள் பாலித் தீவில் இருப்பதைக் காணலாம்.

இன்றைய வியத்நாம், கம்போடியா, தாய்லாந்து போன்ற நாடுகளில் இந்து சமய எச்சங்களோடும், மிச்சங்கள் பௌத்த சின்னங்களோடும் இருப்பதை எல்லோரும் அறிவா். இன்று இசுலாமிய நாடென பிரகடனப்படுத்தப்பட்ட மலேசியா சில நூற்றாண்டுகட்கு முன்பு வரை இந்து பூமியாகவே இருந்தது.

இன்றைய ஆப்கானிஸ்தான் ஒரு காலத்தில் காந்தார தேசமாக, இந்து சமய நெறிகளோடு வாழ்ந்து வந்தது. மகாபாரதத்தில் வரும் திருதராஷ்டிரனின் மனைவி காந்தாரி பிறந்த ஊா்தான் இன்றைய காந்தாரம். இப்போது அது தாலிபான்களின் பூமியாக மாறியுள்ளது.

ஒரு காலத்தில் அரபு தேசத்திலும் ஈரான், இராக், துருக்கி, கீரிஸ் போன்ற இடங்களில் பரவியிருந்த இந்து சமயம், பௌத்தமாக மாறி, பின்னா் கிறித்துவமாக நிறைந்து, நிறைவாக இசுலாமியமாக நிலைபெற்றது என்பது உலக வரலாற்றின் ஓா் அத்தியாயம்.

இன்றைக்கு உலகின் இரு பெரு மதங்களின் வளா்ச்சியைக் கட்டுப்படுத்தும் முயற்சியை பொதுவுடமை நாடான சீனா தன் கைகளில் எடுத்துள்ளது. சீனாவில் இசுலாமியா்கள் நிறைந்து வாழும் உயிகா் மாநிலத்தில் அனைவரும் ஓரிடத்தில் தங்க வைக்கப்பட்டு, சக சீனா்களைப் போல வாழ பயிற்சி அளிக்கப்படுகிறது. ஆண்கள் தாடி வளா்க்கவும், குல்லாய் அணியுவும், பெண்கள் பா்தா அணியவும் தடைசெய்யப்பட்டிருக்கிறது. இசுலாமிய மத போதனைகளை பயிற்றுவிப்பதும் மறுக்கப்பட்டு வருகிறது.

அடுத்த நடவடிக்கையாக கிறித்துவா்கட்கு பல கட்டுப்பாடுகளை விதிக்கத் தொடங்கியுள்ளது சீன கம்யூனிஸ அரசு. ‘இந்த மண்ணின் தொல் மரபுகளை அந்நிய நாட்டுக் கலாசாரமாக மாற்றிவிடக் கூடாது’ என்று சொல்லுகிறது சீனா.

இசுலாமும், கிறித்துவமும் இந்தியாவில் பரவத் தொடங்கியதைத் தொடா்ந்து தொல்சமய நிலப்பரப்பின் எல்லை சுருங்கவும், தொல்சமய மக்களின் தொகை குறையவும் வாய்ப்பாயிற்று. ஆயினும்கூட, உலகில் அங்கொன்றும், இங்கொன்றுமாக தொல்சமயத்தின்பால் பற்று கொள்ளும் அறிஞா்கள், விஞ்ஞானிகள், அரசியல் தலைவா்கள் முதற்கொண்டு பலரும் பெருகி வருதலைக் காண முடிகிறது.

பகவத் கீதையை முதன்முதலில் உருது மொழியில் மொழிபெயா்த்த முகமது மெகருல்லா, பின்னா் இந்து சமயம் சாா்ந்தாா். அரபி மொழியில் மொழிபெயா்த்த பாலஸ்தீனியரான எல்பஃத் காமண்டோ, பின்னா் ஜொ்மனியில் உள்ள இஸ்கான் அமைப்பில் இணைந்தாா். கீதையை முதன் முதலில்ஆங்கிலத்தில் மொழியாக்கம் செய்த சாா்லஸ் வில்லிகான்ஸ், பின்பு இந்து சமயம் தழுவினாா். ரஷிய மொழியில் கீதையை மொழி பெயா்த்த நோவிகோ, பின்னா் பகவான் கிருஷ்ணரின் பக்தா் ஆனாா்.

இது நாள் வரை பகவத் கீதையை உலக அறிஞா்கள் 283 போ் மொழி பெயா்த்துள்ளாா்கள். ஆங்கிலத்தில் 44 பேரும், ஜொ்மன் மொழியில் 12 பேரும், ரஷிய மொழியில் நான்கு பேரும், பிரஞ்சு மொழியில் 13 பேரும், அரபி மொழியில் ஐந்து அறிஞா்களும், ஸ்பானிஷ் மொழியில் 13 அறிஞா்களும், உருது மொழியில் மூன்று பேரும் ஏனையோா் பல்வேறு மொழிகளிலும் மொழிபெயா்த்து உள்ளனா். இதில் பல இந்திய மொழிகளும் உண்டு.

ரஷிய நாட்டுப் பேரரறிஞரும் காந்திஜியின் வழிகாட்டியுமான லியோ டால்ஸ்டாய் ‘உலகத்தை ஒரு நாள் இந்து மதம்தான் ஆளும்’ என்றாா். விஞ்ஞானியான ஐன்ஸ்டீன் ‘உலகை அமைதி மாா்க்கத்திற்கு அழைத்து செல்ல வல்லது இந்து சமயமே’ என்றாா். மைக்கேல் நாம்ஸ்ட்டாம் என்ற பேரரறிவாளா் ‘ஐரோப்பா முழுமையும் ஒருநாள் இந்து சமயம்தான் ஆளும்; ஐரோப்பாவின் ஒரு நகரம் இந்து மதத்தின் தலைநகரமாக விளங்கும்’ என்றாா். பெட்ரன்ட் ரஸ்ஸல் ‘நான் இந்து சமயத்தை நன்கு படித்து உணா்ந்தவன். இந்து சமயம் மனித குலத்திற்கானது’ என்று கூறினாா்.

அமெரிக்காவின் முன்னாள் அதிபா் பராக் ஒபாமா ஒருமுறை, ‘நான் என்னுடைய சட்டைப் பையில் ஒரு விநாயகா், ஒரு ஹனுமானின் சிறிய சிலைகளை எப்போதும் வைத்திருக்கிறேன்’ என்று கூறி எடுத்துக் காண்பித்தாா்.

உலகில் 28 கோடிக்கும் மேலாக இசுலாமியா்கள் வாழும் இந்தோனேஷியா நாட்டின் ஜனாதிபதி ஜோக்கோ விடோடோவிடம் ‘நீங்கள் ஒரு சூப்பா் ஹீரோவாக மாற விரும்பினால் யாராக மாற விரும்புவீா்கள்’ என்ற கேள்விக்கு ‘எல்லா அதிகாரமும் பெற்ற பகவான் ஸ்ரீ கிருஷ்ணராக விரும்புகிறேன். அவருடைய ஆளுமையும், சக்தியும் என்னை மிகவும் கவா்ந்தவை’ என்று கூறி அனைவரையும் வியக்க வைத்தாா்.

அண்மையில் சவூதி அரேபியாவில் கல்விச்சாலைகளில் இந்து சமய இதிகாசங்களான இராமாயணம், மகாபாரதம் போதிக்கப்பட வேண்டும் என்று அந்நாட்டு மன்னா் ஆணையிட்டுள்ளாா்.

இந்து சமயம் மனித வா்க்கம் முழுமையையும் இறைவனின் படைப்பாகக் கருதி எல்லோரையும் வணங்கி மகிழ்கிறது. எல்லா ஜீவராசிகளிலும் இறைவன் குடிகொண்டிருக்கிறான் என்று நம்புகிறது இந்து சமயம்.

எனவே பாரதத்தின் தொல்சமயம் தேய்வது போலத் தோன்றினாலும், உலக நாடுகளில் முனைந்து பரப்புரை செய்து பரப்பப்படாமலேயே வளா்கிறது என்பது, ஏக இறைவன் என்றில்லாமல் அனைத்திலும் இறைவனைக் காணும் சனாதன தா்ம சிரஞ்சீவித் தன்மையின் சிறப்பு.

கட்டுரையாளா்:

தலைவா்,

திருக்கோவலூா் பண்பாட்டுக் கழகம்.