ஸ்ரீவிலி. லயன்ஸ் பள்ளி மாணவர்கள் 100 சதவீதம் தேர்ச்சி

ஸ்ரீவில்லிபுத்தூர்: ஸ்ரீவில்லிபுத்தூர் லயன்ஸ் மெட்ரிக்குலேஷன் மேல்நிலைப் பள்ளியில் தேர்வு எழுதிய 145 மாணவ மாணவியரும் தேர்ச்சி பெற்றுள்ளனர்.

இப் பள்ளி மாணவி க.ஸ்வாதிபாலா 1172 மதிப்பெண்கள் பெற்று பள்ளி மற்றும் வட்டார அளவில் முதலிடம் பெற்றுள்ளார். எஸ்.கார்த்திகாதேவி 1169 மதிப்பெண்களும், எம்.அபிதா ரத்தினம் 1167 மதிப்பெண்களும் பெற்று முறையே இரண்டு மற்றும் மூன்றாம் இடங்களைப் பெற்றுள்ளனர்.இப் பள்ளியின் எஸ்.கார்த்திகாதேவி, எஸ்.எஸ்.தாரணி, எஸ்.சாரோன் பிரசாத் ஆகியோர் கணித்ததில் 200-க்கு 200 மதிப்பெண்கள் பெற்றுள்ளனர்.

எம்.அபிதா ரத்தினம், சதுஸ்கா, சந்திரவதனா, நர்மதாஸ்ரீ ஆகிய நால்வரும் வேதியியல் பாடத்தில் 200-க்கு 200 மதிப்பெண்கள் பெற்றுள்ளனர்.மாணவர்களுக்கு சிறப்பான பயிற்சி அளித்து 100 சதவீதம் தேர்ச்சியைத் தொடர்ந்து காட்டி வரும் முதல்வர் சுதாகர், ஆசிரியர்கள் மற்றும் சிறப்பிடம் பெற்று வெற்றி பெற்ற மாணவ மாணவியர் அனைவரையும் பள்ளியின் தாளாளர் எம்.கே.முகமது மைதீன், பள்ளிக் குழுத் தலைவர் கே.குமாரவேல் மற்றும் அரிமா சங்கத்தினர் பாராட்டினர்.