10, 12 ஆம் வகுப்பு பொதுத்தேர்வுக்கான கால அட்டவணை நாளை வெளியீடு!

10, 12 ஆம் வகுப்பு பொதுத்தேர்வுக்கான கால அட்டவணையை நாளை பள்ளிக் கல்வித்துறை அமைச்சர் ராஜ்மோகன் வெளியிடுவார்.

10, 11, 12 ஆம் வகுப்பு பயிலும் மாணவர்கள் பொதுத்தேர்வுக்கு ஆயத்தமாகும் வகையில், அவர்களுக்கான பொதுத்தேர்வு கால அட்டவணை தேர்வுக்கு சில மாதங்களுக்கு முன்னதாகவே வெளியிடப்படும்.

இந்த நிலையில், 2026 - 2027 கல்வியாண்டுக்கான 10, 11, 12-ம் வகுப்பு பொதுத் தேர்வு அட்டவணையை நாளை (அக். 14) பள்ளிக் கல்வித்துறை அமைச்சர் ராஜ்மோகன் வெளியிடுவார் என அரசுத் தேர்வுத் துறை அறிவித்துள்ளது.

இந்தத் தேர்வுகள் மார்ச் மற்றும் ஏப்ரல் ஆகிய மாதங்களில் நடத்த திட்டமிடப்பட்டுள்ளது. பாடவாரியான தேர்வு தேதிகள் மற்றும் செய்முறைத் தேர்வு குறித்த முழுமையான விவரங்கள் அரசுத் தேர்வுத் துறையின் அதிகாரப்பூர்வ இணையதளத்தில் வெளியிடப்படவுள்ளது என்பது குறிப்பிடத்தக்கது.