டிஎன்பிஎஸ்சி குரூப் 1 தேர்வுக்கான ஹால் டிக்கெட் வெளியீடு!

சென்னை: தமிழகத்தில் நடைபெறவிருக்கும் டி.என்.பி.எஸ்.சி. குரூப் 1 தேர்வுக்கான ஹால் டிக்கெட் இணையதளத்தில் வெளியிடப்பட்டுள்ளது.

தமிழ்நாடு அரசுப் பணியாளா் தோ்வாணையத்தால் (டிஎன்பிஎஸ்சி) நடத்தப்படவுள்ள குரூப் 1 முதல்நிலை தோ்வுக்கு விண்ணப்பித்தவர்கள், அதிகாரப்பூர்வ டி.என்.பி.எஸ்.சி. இணையதளத்தில் ஹால் டிக்கெட்டை பதிவிறக்கம் செய்து கொள்ளலாம் என தெரிவிக்கப்பட்டுள்ளது

70 காலிப்பணியிடங்களுக்கான டிஎன்பிஎஸ்சி குரூப் 1 முதல்நிலை தோ்வு ஜூன்15-இல் நடைபெறுகிறது.

அண்மையில், குரூப் 1 மற்றும் குரூப் 1ஏ காலிப்பணியிடங்களுக்கான தேர்வு அறிவிப்பாணையை தமிழ்நாடு அரசுப் பணியாளர் தேர்வாணையம் வெளியிட்டிருந்தது. இதில், துணை ஆட்சியர், டிஎஸ்பி உள்ளிட்ட 8 முக்கிய பதவிகளுக்கும் தேர்வுகள் நடத்தப்பட விருப்பதால் மிகுந்த முக்கியத்துவம் பெற்றுள்ளது.

தேர்வர்கள் தங்கள் ஹால் டிக்கெட்டுகளை tnpsceexams.in என்ற இணையதளத்தில், விண்ணப்ப எண், தேர்வரின் பிறந்த தேதி ஆகியவற்றை சரியாக உள்ளீடு செய்து ஹால்டிக்கெட்டுகளை பதிவிறக்கம் செய்துகொள்ளலாம் என தெரிவிக்கப்பட்டுள்ளது.