விஸ்வ இந்து பரிஷத் தலைவர் அசோக் சிங்கால் காலமானார்

விஸ்வ இந்து பரிஷத் தலைவர் அசோக் சிங்கால் இன்று மதியம் உடல் நலக் குறைவால் காலமானார். அவருக்கு வயது 89.

உடல் நலக் குறைவு காரணமாக கடந்த வாரம் குர்கான் மருத்துவமனையில் அனுமதிக்கப்பட்ட அசோக் சிங்கால் இன்று மதியம் 2.24 மணிக்கு சிகிச்சை பலனின்றி மரணம் அடைந்ததாக விஸ்வ ஹிந்து பரிஷத் அமைப்பின் அகில உலக செயல் தலைவர் பிரவீன் தொகாடியா கூறினார்.

மூச்சுத் திணறல் காரணமாக அவர் மருத்துவமனையில் அனுமதிக்கப்பட்டிருந்தார். அவரது உடல்நிலை கடந்த ஞாயிறன்று மோசமடைந்ததை அடுத்து மருத்துவர்கள் தீவிர சிகிச்சை அளித்து அவரது உடல்நிலையை சீராக்கினர்.

தொடர்ந்து அவர் தீவிர சிகிச்சைப் பிரிவில் வைத்து கண்காணிக்கப்பட்டு வந்தார். எனினும், இன்று மதியம் சிகிச்சை பலனின்றி அவர் உயிரிழந்ததாக செய்திகள் தெரிவிக்கின்றன.