இந்தியர்களின் உள்ளம் கொள்ளை கொண்ட ட்விட்டரின் 'கணேஷா எமோஜி'!

பிள்ளையார் சதுர்த்தி விழாவை முன்னிட்டு, பிரபல சமூக வலைதளமான  ட்விட்டர்  அறிமுகப்படுத்திய கணேஷா எமோஜி' பயனீட்டாளர்களிடம்   பெரும் வரவேற்பை பெற்றுள்ளது.

இது தொடர்பாக அந்நிறுவனம் வெளியிட்டுள்ள அறிக்கைவிபரம் வருமாறு:

செப்டம்பர் 3-ஆம் தேதி தொடங்கி 6-ஆம் தேதி வரை #கணேஷ்சதுர்த்தி என்ற ஹேஷ்டேகை  பயன்படுத்தி உருவாக்கப்பட்ட  ட்வீட்டுகளின் எண்ணிக்கை 4,80,000 ஆகும்.

கணேஷா எமோஜி  முதன் முறையாக செப்டம்பர் 4-ஆம் தேதியன்று அறிமுகம் செய்யப்பட்டது. #கணேஷ்சதுர்த்தி, #ஹேப்பி கணேஷ்சதுர்த்தி மற்றும் #கணேஷ் உத்சவ்  உள்ளிட்ட ஹேஷ்டேகுகளை  பயன்படுத்துவதன் மூலம் நம்மால் கணேஷா எமோஜியை பயன்படுத்த இயலும்.

அதிகபட்சமாக விநாயகர்சதுர்த்தி கொண்டாடப்பட்ட திங்களன்று காலை ஒரு நிமிடத்திற்கு 600 ட்வீட்டுகள் பரிமாறிக் கொள்ளப்பட்டன.  இந்த சேவை செப்டம்பர் 16-ஆம் தேதி வரை பயன்பாட்டில் இருக்கும்.

இவ்வாறு அந்த அறிக்கையில் தெரிவிக்கப்பட்டுள்ளது.