மோமோ அச்சுறுத்தல்: பிள்ளைகளை தொடர்ந்து கண்காணிக்குமாறு பெற்றோருக்கு பள்ளிகள் அறிவுறுத்தல்

கொல்கத்தா: வாட்ஸ் அப் செயலி மூலமாக பரவும் மோமோ அச்சுறுத்தல் காரணமாக, பிள்ளைகளை பெற்றோர் தொடர்ந்து கண்காணிக்குமாறு அறிவுறுத்த பள்ளிகளுக்கு ஐசிஎஸ்இ நிர்வாகம் சுற்றறிக்கை அனுப்பியுள்ளது.

மேற்கு வங்க மாநிலத்தின் ஐசிஎஸ்இ பள்ளி நிர்வாகம் இது பற்றி ஊடகங்களிடம் தெரிவித்ததாவது, மோமோ விளையாட்டின் மோசமான விளைவுகள் குறித்து பிள்ளைகளுக்கும், பெற்றோருக்கும் எடுத்துச் சொல்லுமாறு பள்ளிகளுக்கு அறிவுறுத்தியுள்ளோம்.

மேலும் பிள்ளைகள் செல்போனில் என்ன விளையாடுகிறார்கள் என்பதை பெற்றோர்கள் கவனித்து வருமாறு அறிவுறுத்தும்படியும் பள்ளிகளுக்கு சுற்றறிக்கை அனுப்பியுள்ளோம் என்று தெரிவிக்கப்பட்டுள்ளது.