20 லட்சம் ஏழை குடும்பங்களுக்கு இலவச இணையதள வசதி: கேரள அரசு முடிவு

கேரள மாநிலத்தில் 20 லட்சம் ஏழை குடும்பங்களுக்கு இணையதள வசதியை இலவசமாக வழங்குவதற்கு அந்த மாநில அரசு முடிவு செய்துள்ளது.
திருவனந்தபுரத்தில் கேரள முதல்வர் பினராயி விஜயன் தலைமையில் அந்த மாநில அமைச்சரவைக் கூட்டம் புதன்கிழமை நடைபெற்றது. இக்கூட்டத்தில் கேரளா பைபர் ஆப்டிக் நெட்வொர்க் என்ற நிறுவனத்தை ஏற்படுத்த ஒப்புதல் அளிக்கப்பட்டது.
இதுகுறித்து கேரள அரசு வெளியிட்டுள்ள செய்திக் குறிப்பில், இந்த திட்டத்தின் மூலம், 20 லட்சம் ஏழை குடும்பங்கள் இலவச இணையதள சேவையை பெறுவர். எஞ்சியோருக்கு குறைந்த விலையில் இணையதள சேவை கிடைக்கும்' எனத் தெரிவிக்கப்பட்டுள்ளது.