புது தில்லி: இந்தியர்கள் பலரும் தற்போது தொலைக்காட்சியை விடவும், அதிக நேரத்தை ஆன்லைனில் விடியோக்களைப் பார்க்க செலவிடுவதாக ஆய்வு தெரிவிக்கிறது.
லைம்லைட் நெட்வொர்க் நடத்திய ஆய்வில், தெரிய வந்திருப்பது என்னவென்றால், இந்தியர்கள் ஒவ்வொரு வாரமும் 8 மணி நேரம் 28 நிமிடங்கள் ஆன்லைனில் விடியோ பார்க்க செலவிடுவதாகவும், இதைவிட குறைந்த நேரமே அதாவது ஒரு வாரத்தில் 8 மணி நேரம் 8 நிமிடங்கள் மட்டுமே தொலைக்காட்சியைப் பார்ப்பதாகவும் தெரிய வந்துள்ளது.
இதில்லாமல், ஆன்லைனில் விடியோ பார்ப்பதில் உலக மக்களின் சராசரியே ஒரு வாரத்துக்கு 6 மணி நேரம் 45 நிமிடமாக இருக்கும் நிலையில், இந்தியர்கள் அதை விட அதிக நேரம் ஆன்லைனில் விடியோ பார்ப்பது குறிப்பிடத்தக்கது.
மேலும் ஆன்லைன் மூலம் செய்தி, சினிமா மற்றும் தொலைக்காட்சி நிகழ்ச்சிகள், விளையாட்டுப் போன்றவற்றைப் பார்ப்பதாகவும் தெரிவிக்கப்பட்டுள்ளது.