கர்நாடகாவில் 11 தொகுதிகளில் பாஜக வெற்றி

கர்நாடகாவில் 15 பேரவைத் தொகுதிகளுக்கு நடைபெற்ற இடைத் தேர்தலில் 11 தொகுதிகளில் பாஜக வெற்றி பெற்றுள்ளது.

15 தொகுதிகளில் 11 தொகுதிகளை வென்றதன் மூலம், கர்நாடக சட்டப்பேரவையில் பெரும்பான்மை பலத்தை பாஜக அரசு பெற்றுள்ளது.

15 தொகுதிகளுக்கு நடந்த தேர்தலில் குறைந்தபட்சம் 6 தொகுதிகளை வென்றாக வேண்டும் என்ற நிலையில் அதை விட அதிகமாக 11 தொகுதிகளில் வென்றதோடு மட்டுமல்லாமல், மேலும் ஒரு தொகுதியிலும் முன்னிலையில் உள்ளது பாஜக.

இந்த 15 தொகுதிகளில் முன்னதாக, 12 தொகுதிகளில் காங்கிரஸ் வெற்றிபெற்றிருந்த நிலையில், தற்போது நடைபெற்ற இடைத் தேர்தலில் ஹன்சுர் மற்றும் ஷிவாஜிநகர் என 2 தொகுதிகளை மட்டுமே காங்கிரஸ் கைப்பற்றியுள்ளது.