நாட்டில் 138 நாள்களுக்கு பிறகு 4.03 லட்சமாக குறைந்த கரோனா

நாட்டில் 138 நாள்களுக்கு பிறகு கரோனாவால் பாதிக்கப்பட்டோர் எண்ணிக்கை 4.03 லட்சமாக குறைந்துள்ளதாக மத்திய அரசு தெரிவித்துள்ளது.

கடந்த  ஜூலை 21-ஆம் தேதி கரோனாவால் பாதிக்கப்பட்டோர் எண்ணிக்கை 4,02,529-ஆக இருந்த நிலையில், தற்போது மீண்டும் குறைந்துள்ளது.

ஞாயிற்றுக்கிழமை காலை 8 மணி வரையிலான 24 மணி நேரத்தில் புதிதாக 36,011 பேருக்கு கரோனா தொற்று ஏற்பட்டது. இதனால், பாதிக்கப்பட்டோர் மொத்த எண்ணிக்கை 96,44,222-ஆக அதிகரித்தது.

இதேபோல், கரோனாவில் இருந்து ஒரே நாளில் 41,970 போ் குணமடைந்தனா். இவா்களுடன் சோ்த்து கரோனாவில் இருந்து மீண்டவா்களின் எண்ணிக்கை 91,00,792-ஆக அதிகரித்தது.

நாடு முழுவதும் 4,03,248 போ் கரோனாவுக்கு சிகிச்சை பெற்று வருகின்றனா். கரோனா தொற்றுக்கு மேலும் 482 போ் உயிரிழந்ததால், இதுவரை உயிரிழந்தோர் எண்ணிக்கை 1,40,182-ஆக அதிகரித்தது.

டிசம்பா் 5-ஆம் தேதி வரை நாடு முழுவதும் 14,69,86,575 கோடி கரோனா மாதிரிகள் பரிசோதிக்கப்பட்டன. அதில், சனிக்கிழமை மட்டும் 11,01,063 மாதிரிகள் பரிசோதிக்கப்பட்டன என்று இந்திய மருத்துவ ஆராய்ச்சி கவுன்சில் (ஐசிஎம்ஆா்) தெரிவித்துள்ளது.