என்னை விலைக்கு வாங்கக்கூடியவர்கள் யாரும் இல்லை: ஒவைசி

தன்னை விலைக்கு வாங்கக்கூடியவர்கள் யாரும் இல்லை என மேற்கு வங்க முதல்வர் மம்தா பானர்ஜியின் குற்றச்சாட்டுக்கு ஒவைசி இன்று (புதன்கிழமை) பதிலளித்தார்.

இதுபற்றி ஒவைசி தெரிவித்ததாவது: 

"அசாதுதீன் ஒவைசியை விலைக்கு வாங்கக்கூடியவர்கள் யாரும் இல்லை. மம்தா பானர்ஜியின் குற்றச்சாட்டு ஆதாரமற்றது. அவரது கட்சியினர் பாஜகவுக்கு செல்கின்றனர். அதுகுறித்துதான் அவர் கவலைப்பட வேண்டும். பிகார் வாக்காளர்களையும், எங்களுக்கு வாக்களித்தவர்களையும் மம்தா அவமதித்துள்ளார்."

முன்னதாக மம்தா பானர்ஜி செவ்வாய்க்கிழமை பேசியது:

"சிறுபான்மையினரின் வாக்குகளைப் பிரிக்க, ஹைதராபாத்திலிருந்து ஒரு கட்சிக்கு காசு கொடுத்து வரவழைக்கிறது பாஜக. அவர்கள் வாக்குகளைப் பிரிக்கின்றனர். பிகார் தேர்தலில் இது உறுதியாகிவிட்டது."