கேரளத்தில் புதிதாக 14 பேருக்கு கரோனா தொற்று

கேரளத்தில் புதிதாக 14 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளதாக அந்த மாநில முதல்வர் பினராயி விஜயன் தெரிவித்துள்ளார்.

இதுபற்றி முகநூல் பக்கத்தில் பினராயி விஜயன் பதிவிட்டிருப்பதாவது:

"கேரளத்தில் புதிதாக 14 பேருக்கு கரோனா வைரஸ் நோய்த் தொற்று இருப்பது கண்டறியப்பட்டுள்ளது. இதைத் தொடர்ந்து மாநிலத்தில் சிகிச்சையில் இருப்பவர்களின் எண்ணிக்கை 101 ஆக உயர்ந்துள்ளது. புதிதாக பாதிப்புக்குள்ளான 14 பேரில், 2 பேர் வெளிநாடுகளிலிருந்து வந்தவர்கள், 10 பேர் பிற மாநிலங்களிலிருந்து வந்தவர்கள். தற்போதைய நிலையில், 61,855 பேர் வீட்டுக் கண்காணிப்பிலும், 674 பேர் பல்வேறு மருத்துவமனைகளிலும் கண்காணிப்பில் உள்ளனர்." 

இன்றைய தேதியில் மொத்தம் 497 பேர் கரோனா வைரஸ் நோய்த் தொற்றிலிருந்து குணமடைந்துள்ளனர்.