காட்டுமன்னார்கோவில் தொகுதியில் திருமாவளவன் போட்டி!வருமான வரி செலுத்தாத குடும்பங்களுக்கு இல்லத்தரசிகள் திட்டத்தில் ரூ. 8,000 கூப்பன் வழங்கப்படும் - திமுக தேர்தல் அறிக்கைமுதலமைச்சர் காப்பீடு திட்டம் ரூ. 10 லட்சமாக அதிகரிக்கப்படும்: மு.க. ஸ்டாலின் வாக்குறுதிபேரிடர் கால இழப்பீடு ஹெக்டருக்கு ரூ. 25 ஆயிரமாக உயர்த்தப்படும் : திமுக வாக்குறுதிமுதல்வரின் காலை உணவுத் திட்டம் 8 ஆம் வகுப்பு வரை விரிவுபடுத்தப்படும் : மு.க. ஸ்டாலின் வாக்குறுதி
/

நாட்டில் இன்றைய கரோனா பாதிப்பு 70 ஆயிரமாகக் குறைந்தது

நாட்டில் கரோனா பாதிப்பு தொடர்ந்து 80 ஆயிரம் முதல் 90 ஆயிரம் என்ற அளவில் பதிவாகிவந்த நிலையில், செவ்வாய்க்கிழமையான இன்று காலை கரோனா பாதிப்பு 70 ஆயிரமாகக் குறைந்துள்ளது.

News image

நாட்டில் இன்றைய கரோனா பாதிப்பு 70 ஆயிரமாகக் குறைந்தது

Updated On :29 செப்டம்பர் 2020, 4:01 am

ANI

நாட்டில் கரோனா பாதிப்பு தொடர்ந்து 80 ஆயிரம் முதல் 90 ஆயிரம் என்ற அளவில் பதிவாகிவந்த நிலையில், செவ்வாய்க்கிழமையான இன்று காலை கரோனா பாதிப்பு 70 ஆயிரமாகக் குறைந்துள்ளது.

மேலும், நாட்டில் இதுவரை கரோனா பாதித்தோர் எண்ணிக்கை 61.45 லட்சமாக இருக்கும் நிலையில், அவர்களில் 51 லட்சம் பேர் தொற்றில் இருந்து குணமடைந்துவிட்டனர். இது மொத்த பாதிப்பில் 83 சதவீதமாகும்.

நாட்டில் திங்கள்கிழமை காலை 82,170 பேருக்கு புதிதாக கரோனா உறுதி செய்யப்பட்ட நிலையில், செவ்வாய்க்கிழமை காலையுடன் நிறைவடைந்த 24 மணி நேரத்தில் 70,589 பேருக்கு புதிதாக கரோனா உறுதி செய்யப்பட்டுள்ளது இதையடுத்து, நாட்டில் கரோனா பாதித்தோர் எண்ணிக்கை 61 லட்சத்தைத் தாண்டியது.

நாட்டில் புதிதாக கரோனா பாதித்தோர் நிலவரம் குறித்து மத்திய சுகாதாரத் துறை செய்திக் குறிப்பை வெளியிட்டுள்ளது.

அதில், நாட்டில் புதிதாக 70,589 பேருக்கு கரோனா உறுதி செய்யப்பட்டதை அடுத்து, நாட்டில் மொத்த பாதிப்பு 61,45,292 ஆக உயர்ந்துள்ளது. அதேவேளை, கரோனா பாதித்து 776 பேர் பலியாகியுள்ளனர்.

தற்போது நாடு முழுவதும் கரோனா பாதித்து 9,47,576 பேர் சிகிச்சையில் உள்ளனர். இதுவரை 51,01,398 பேர் குணமடைந்துள்ளனர். நாட்டில் மொத்த பலி எண்ணிக்கை 96,318 ஆக உயர்ந்துள்ளது.

இந்தியாவில் கரோனாவுக்கு பலியானோர் எண்ணிக்கை ஒரு லட்சத்தை நோக்கி அதிகரித்துக் கொண்டிருக்கும் நிலையில், உலகம் முழுவதும் கரோனா தொற்றுக்கு பலியானோர் எண்ணிக்கை 10 லட்சத்தைத் தாண்டிவிட்டது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.