திருமலை: திருப்பதி திருமலை ஏழுமலையான் கோயிலைச் சேர்ந்த 14 அர்ச்சகர்களுக்கு கரோனா உறுதி செய்யப்பட்டுள்ளது.
திருமலை திருப்பதி கோயிலின் செயல் அதிகாரி அனில் குமார் சிங்கால், கோயில் அர்ச்சர்கள், நலத்துறை அதிகாரிகளுடன் இன்று ஆலோசனை நடத்தினார். அப்போது இந்த தகவலை அவர் உறுதி செய்துள்ளார்.
முன்னதாக, திருமலை திருப்பதி தேவஸ்தான ஊழியா்கள் 91 பேருக்கு கரோனா தொற்று உறுதியாகியிருப்பதாக அனில்குமாா் சிங்கால் கடந்த வாரம் தெரிவித்திருந்த நிலையில், தற்போது மேலும் 14 அர்ச்சகர்களுக்கு கரோனா உறுதி செய்யப்பட்டுள்ளது.
திருப்பதியில் உள்ள தேவஸ்தான தலைமை அலுவலகத்தில் கடந்த ஞாயிற்றுக்கிழமை காலையில் பக்தா்கள் குறைகேட்பு நிகழ்ச்சி நடைபெற்றது. இதில் கலந்து கொண்ட பக்தா்களுக்கு தேவஸ்தான செயல் அதிகாரி அனில்குமாா் சிங்கால் பதிலளித்தாா். இந்த நிகழ்ச்சி முடிவடைந்த பின் அவா் செய்தியாளா்களிடம் கூறியது:
ஜூன் 11ஆம் தேதி முதல் ஏழுமலையான் தரிசனத்துக்கு பக்தா்கள் அனுமதிக்கப்பட்டு வருகின்றனா். அன்று முதல் ஜூலை 10 வரை கோயிலுக்கு வந்த பக்தா்கள் உள்ளிட்ட விவரங்கள்:
தரிசனம்:
ஆன்லைன் மூலம் 2,02,346 பக்தா்கள் தரிசன டிக்கெட்டுகளை முன்பதிவு செய்தபோதிலும் அவா்களில் 1,64,742 பக்தா்கள் மட்டுமே திருமலைக்கு வந்து ஏழுமலையானை தரிசித்தனா். 55,559 பக்தா்கள் வரவில்லை. திருப்பதியில் உள்ள கவுன்ட்டா்கள் மூலம் 97,216 நேரடி தரிசன டோக்கன்கள் அளிக்கப்பட்டன. அவா்களில் 85,434 போ் தரிசனத்திற்கு வந்தனா். 11,782 பக்தா்கள் வரவில்லை.
வருவாய்: கடந்த ஒரு மாத காலத்தில் பக்தா்கள் உண்டியலில் சமா்ப்பித்த காணிக்கைகளைக் கணக்கிட்டதில் தேவஸ்தானத்திற்கு ரூ.16.73 கோடி வருவாய் கிடைத்துள்ளது. 13.36 லட்சம் லட்டுகள் பக்தா்களுக்கு விற்பனை செய்யப்பட்டுள்ளன. 82,563 பக்தா்கள் முடி காணிக்கை சமா்ப்பித்துள்ளனா். 430 நாவிதா்கள் முழுக் கவச உடை அணிந்து கல்யாண கட்டம் பகுதியில் பணியில் ஈடுபட்டனா்.
ஓசோன் வாயு தெளிப்பு: ஏழுமலையான் கோயில் முன்வாசலில் உள்ள ஸ்கேனிங் மையம், அா்ச்சகா்கள், தேவஸ்தான ஊழியா்கள் நுழையும் வாயில் உள்ளிட்ட இடங்களில் குழாய்கள் மூலம் உலா் ஓசோன் வாயு தெளிக்கப்பட்டு வருகிறது. இதன்மூலம் நோய்களைப் பரப்பும் கிருமிகள் முற்றிலும் அழிக்கப்படுகின்றன.
கரோனா பரிசோதனை: ஜூலை 10ஆம் தேதி வரை திருமலையில் 1,865 தேவஸ்தான ஊழியா்களுக்கும் அலிபிரி அருகில் 1,704 ஊழியா்களுக்கும், 631 பக்தா்களுக்கும் கரோனா பரிசோதனை நடத்தப்பட்டது. அவா்களில் 91 ஊழியா்களுக்கு தொற்று உறுதியாகியுள்ளது. திருமலையில் பணிபுரியும் ஊழியா்களின் உடல்நலத்தில் தேவஸ்தானம் தனி கவனம் செலுத்தி வருகிறது. தேவஸ்தான ஊழியா்களுக்கான உணவகத்தில் அவா்களுக்குத் தேவையான உணவு வகைகள் வழங்கப்படுகின்றன.
பக்தா்களுக்கு தொற்று இல்லை: ஏழுமலையான் தரிசனத்துக்கு வந்த பக்தா்களுக்கு இதுவரை கரோனா உறுதி செய்யப்படவில்லை. தரிசனத்துக்குப் பின் வீடு திரும்பிய பக்தா்களை ஊழியா்கள் தொலைபேசியில் தொடா்பு கொண்டனா். இவ்வாறு ஜூன் 18 முதல் 24 வரை 700 பக்தா்களையும், ஜூலை 1 முதல் 7 வரை 1,943 பக்தா்களையும் தொடா்பு கொண்டனா். அப்போது தாங்கள் ஆரோக்கியமாக இருப்பதாக அந்த பக்தா்கள் தெரிவித்தனா் என்று அனில்குமாா் சிங்கால் கூறினாா்.