மகாராஷ்டிரத்தில் ஒரேநாளில் 55,469 பேருக்கு கரோனா

மகாராஷ்டிரத்தில் புதிதாக 55,469 பேருக்கு கரோனா வைரஸ் நோய்த் தொற்று இருப்பது செவ்வாய்க்கிழமை உறுதி செய்யப்பட்டது.

மகாராஷ்டிர கரோனா பாதிப்பு நிலவரம் பற்றிய தரவுகளை அந்த மாநில சுகாதாரத் துறை வெளியிட்டுள்ளது. புதிதாக 55,469 பேருக்கு நோய்த் தொற்று இருப்பது உறுதி செய்யப்பட்டதையடுத்து, மொத்தம் பாதித்தோர் எண்ணிக்கை 31,13,354 ஆக உயர்ந்துள்ளது.

கடந்த 24 மணி நேரத்தில் மேலும் 34,256 பேர் நோய்த் தொற்றிலிருந்து குணமடைந்து வீடு திரும்பியுள்ளனர். 297 பேர் பலியாகியுள்ளனர்.

இதுவரை மொத்தம் 25,83,331 பேர் குணமடைந்துள்ளனர். மொத்தம் 56,330 பேர் பலியாகியுள்ளனர்.

இன்றைய நிலவரப்படி 4,72,283 பேர் இன்னும் நோய்த் தொற்றுக்கான சிகிச்சை பெற்று வருகின்றனர்.