58 லட்சத்தைத் தாண்டியது தடுப்பூசி செலுத்தப்பட்டவர்கள் எண்ணிக்கை: மத்திய அரசு

நாட்டில் கரோனா வைரஸ் நோய்த் தொற்றுக்கு எதிராக தடுப்பூசி செலுத்தப்பட்டவர்கள் எண்ணிக்கை 58 லட்சத்தைத் தாண்டியுள்ளதாக மத்திய சுகாதாரத் துறை அமைச்சகம் ஞாயிற்றுக்கிழமை தெரிவித்தது.

கரோனா தடுப்பூசி செலுத்தும் பணி தொடங்கி 23 நாள்களே ஆன நிலையில் 58,03,617 என்ற எண்ணிக்கையை இந்தியா எட்டியுள்ளது. அமெரிக்கா, பிரிட்டனுக்கு அடுத்தபடியாக அதிகம் கரோனா தடுப்பூசி செலுத்தப்பட்டவர்கள் நாடுகள் வரிசையில் இந்தியா 3-வது இடத்தில் உள்ளது.

58,03,617 பேரில் 53,17,760 பேர் சுகாதாரப் பணியாளர்கள், 4,85,857 பேர் முன்களப் பணியாளர்கள். 

தமிழகத்தில் மட்டும் இதுவரை 1,66,408 பேருக்கு தடுப்பூசி செலுத்தப்பட்டுள்ளது.