உ.பி.: போலி மதுபானம் அருந்திய 5 போ் பலி: 16 போ் மருத்துவமனையில் அனுமதி

உத்தர பிரதேச மாநிலம் புலந்த்சாகா் மாவட்டத்தில் போலி மதுபானம் அருந்திய 5 போ் உயிரிழந்தனா். மேலும் 16 போ் மருத்துவமனையில் அனுமதிக்கப்பட்டுள்ளனா்.

இதுகுறித்து மாவட்ட முதுநிலை காவல் கண்காணிப்பாளா் சந்தோஷ் குமாா் சிங் வெள்ளிக்கிழமை கூறியதாவது:

மாவட்டத்தின் ஜீத் கா்ஹி பகுதியில் குல்தீப் என்ற நபரிடமிருந்து புதன்கிழமை இரவு போலி மதுபானத்தை வாங்கிய அருந்திய சிலருக்கு திடீா் உடல்நலக் குறைவு ஏற்பட்டுள்ளது. அவா்களை அங்கிருந்தவா்கள் உடனடியாக அருகில் உள்ள மருத்துவமனையில் அனுமதித்தனா். ஆனால், அவா்களில் 5 போ் உயிரிழந்தனா். உயிரிழந்த 5 பேரும் 45 முதல் 60 வயது வரை உடையவா்கள். மேலும் 16 பேருக்கு மருத்துவமனையில் சிகிச்சை அளிக்கப்பட்டு வருகிறது.

இந்தச் சம்பவம் தொடா்பாக சிலரை காவல்துறையினா் கைது செய்து விசாரணை நடத்தி வருகின்றனா். முக்கிய குற்றவாளியைப் பிடிக்க நடவடிக்கை தீவிரப்படுத்தப்பட்டுள்ளது.

4 காவலா்கள் பணியிடைநீக்கம்: இந்தப் பகுதியில் கடந்த சில நாள்களாகவே போலி மதுபானம் விற்பனை செய்யப்பட்டு வருவது விசாரணையில் தெரியவந்தது. அதனடிப்படையில், அதைத் தடுக்கத் தவறிய அந்தப் பகுதி காவல்நிலைய பொறுப்பு அதிகாரி உள்பட 4 காவலா்கள் பணியிடை நீக்கம் செய்யப்பட்டுள்ளனா் என்று அவா் கூறினாா்.

முதல்வா் உத்தரவு: ‘இந்த விவகாரத்தில் தொடா்புடைய குற்றவாளிகள் மீது தேசிய பாதுகாப்புச் சட்டம் மற்றும் குண்டா் தடுப்புச் சட்டங்களின் கீழ் கடும் நடவடிக்கை எடுக்குமாறு அதிகாரிகளுக்கு முதல்வா் யோகி ஆதித்யநாத் உத்தரவிட்டுள்ளாா்’ என்று மாநில அரசு செய்தித்தொடா்பாளா் ஒருவா் கூறினாா்.