கேரள பேரவைத் தலைவருக்கு எதிராக பாஜக ஆர்ப்பாட்டம்: காவல்துறை விரட்டியடிப்பு

கேரள சபாநாயகர் ஸ்ரீராமகிருஷ்ணன் பதவி விலக வலியுறுத்தி பாஜக இளைஞர் அணியினர் ஆர்ப்பாட்டத்தில் ஈடுபட்டனர்.

கேரள சட்டப்பேரவை முன்பு நடைபெற்ற இந்த ஆர்ப்பாட்டத்தை காவல்துறையினர் தண்ணீரைப் பீய்ச்சியடித்து விரட்டியடித்தனர்.

கேரள சட்டப்பேரவையின் 22-வது பேரவைக் கூட்டம் இன்று (ஜன.8) தொடங்கியது. இதில் ஆளுநரின் உரையின்போது ஆளும் இடது முன்னணி அரசைக் கண்டித்து எதிர்க்கட்சியான காங்கிரஸ் வெளிநடப்பு செய்தது.

இதனிடையே ஐக்கிய அரபு அமீரக தங்கம் கடத்தல் வழக்கில் தொடர்புடையதாக கேரள சட்டப்பேரவைத் தலைவர் ஸ்ரீராமகிருஷ்ணன் பதவி விலக வலியுறுத்தி பாஜக இளைஞரணியினர் ஆர்ப்பாட்டத்தில் ஈடுபட்டனர்.

கைகளில் பதாகைகளை ஏந்தியவாறு சட்டப்பேரவையை முற்றுகையிட முயன்றதால், காவல்துறையினர் தண்ணீரைப் பீய்ச்சியடித்து விரட்டியடித்தனர்.