திருமலையில் யுத்தகாண்ட பாராயணம் நிறைவு

திருமலையில் கடந்த ஜூன் 10-ஆம் தேதி தொடங்கிய யுத்த காண்ட பாராயணம் சனிக்கிழமை நிறைவு பெற்றது.

கொவைட் தொற்றிலிருந்து உலக மக்களுக்கு நிவாரணம் கிடைக்க வேண்டி திருமலையில் தேவஸ்தானம் பல்வேறு பாராயணங்களை நடத்தி வருகிறது.

அதில் யுத்தகாண்ட பாராயணமும் ஒன்று. கடந்த ஜூன் மாதம் 10-ஆம் தேதி திருமலையில் உள்ள வசந்த மண்டபத்தில் இந்த பாராயணம் தொடங்கப்பட்டது. மேலும் தா்மகிரியில் உள்ள வேதபாடசாலையிலும் தப-தோரண- ஹோமங்களும் தொடங்கப்பட்டன.

30 நாள்கள் நடைபெற்ற யுத்த காண்ட பாராயணம் மகாபூா்ணாஹுதியுடன் சனிக்கிழமை மதியம் நிறைவு பெற்றது.

இதில் 128 முதல் 131-ஆவது சா்க்கம் வரையுள்ள சுலோகங்கள், யோகவாசிஷ்டம் உள்ளிட்ட 138 சுலோகங்கள் பாராயணம் செய்யப்பட்டன. 16 வேதபண்டிதா்கள், தேவஸ்தான அதிகாரிகள், வேதபாடசாலை தலைமை ஆச்சாரியா்கள் உள்ளிட்டோா் கலந்து கொண்டனா்.

இதையடுத்து ஜூலை 10-ஆம் தேதி முதல் 16-ஆம் தேதி வரை திருமலையில் செளத்ர யாகங்கள், 24-ஆம் தேதி முதல் ஒரு மாதம் வரை பக்தா்களுக்கு சகல காரியசித்தி ஏற்பட ராமாயணத்தில் உள்ள சில சுலோகங்கள் பாராயணம் செய்யப்பட உள்ளன.

இந்நிகழ்ச்சிகள் தேவஸ்தான தொலைக்காட்சியான எஸ்விபிசியில் நேரடி ஒளிபரப்பு செய்யப்படுகிறது.