மாநிலங்களின் கையிருப்பில் 1.92 கோடி தடுப்பூசிகள்: மத்திய அரசு

மாநிலங்களின் கையிருப்பில் 1.92 கோடி தடுப்பூசிகள் இன்னும் பயன்படுத்தப்படாமல் இருப்பதாக மத்திய சுகாதாரத் துறை அமைச்சகம் வியாழக்கிழமை தெரிவித்தது.

இதுபற்றி அமைச்சகம் வெளியிட்டுள்ள செய்திக் குறிப்பு:

"வியாழக்கிழமை காலை 8 மணி வரையிலான நிலவரப்படி மாநிலங்கள் மற்றும் யூனியன் பிரதேசங்களுக்கு 40.31 கோடிக்கும் மேலான (40,31,74,380) தடுப்பூசிகள் விநியோகிக்கப்பட்டுள்ளன. மேலும் 83,85,790 தடுப்பூசிகள் இன்னும் விநியோகிக்கப்படவுள்ளன.

இதில் வீணானவை உள்பட மொத்தம் 38,39,02,614 தடுப்பூசிகள் பயன்படுத்தப்பட்டுள்ளன.

மாநிலங்கள்/யூனியன் பிரதேசங்கள் மற்றும் தனியார் மருத்துவமனைகளின் கையிருப்பில் 1,92,71,766 தடுப்பூசிகள் இன்னும் பயன்படுத்தப்படாமல் உள்ளன."