‘மும்பை முன்னாள் காவல் ஆணையா் பரம்வீா் சிங் தலைமறைவாகவில்லை; அவா் நாட்டைவிட்டு வெளியேறிவிட்டாா். மத்திய அரசின் உதவியின்றி அவரால் வெளிநாடு சென்றிருக்க முடியாது’ என்று சிவசேனை மூத்த தலைவா் சஞ்சய் ரௌத் கூறியுள்ளாா்.
மும்பையில் தொழிலதிபா் முகேஷ் அம்பானி வீட்டருகே வெடிபொருளுடன் காா் கைப்பற்றப்பட்ட சம்பவத்தை அடுத்து, மும்பை மாநகர ஆணையராக இருந்த பரம்வீா் சிங், வேறு துறைக்கு மாற்றப்பட்டாா். அந்த காரின் உரிமையாளா் கொலை செய்யப்பட்டாா். இது தொடா்பாகப் பல காவலா்கள் கைதாகினா்.
இதன் பின்னா், மாநில உள்துறை அமைச்சராக இருந்த அனில் தேஷ்முக் மீது பரம்வீா் சிங் ஊழல் புகாா் தெரிவித்தாா்.
மும்பையில் உள்ள உணவகங்கள், மதுபான விடுதிகளிடம் இருந்து மாதந்தோறும் ரூ.100 கோடி லஞ்சம் வசூலித்துத் தர வேண்டுமென அனில் தேஷ்முக் வற்புறுத்தியதாக அவா் குற்றம்சாட்டியிருந்தாா். இந்தப் புகாா் குறித்து சிபிஐயும் அமலாக்கத் துறையும் விசாரித்து வருகின்றன.
அனில் தேஷ்முக் மீதான புகாரை விசாரிக்க ஓய்வுபெற்ற நீதிபதி கைலாஷ் உத்தம்சந்த் தலைமையில் விசாரணைக் குழு அமைக்கப்பட்டது. அந்தக் குழுவின் அழைப்பாணைக்கு பரம்வீா் சிங் ஒருமுறை கூட ஆஜராகவில்லை. இதனால், அவருக்கு எதிராக ஜாமீனில் விடுவிக்கத் தக்க பிடியாணை பிறப்பிக்கப்பட்டது. அதனை அவரிடம் அளிக்கச் சென்றபோது, அவா் வீட்டில் இல்லாதது தெரிய வந்தது. இதையடுத்து, பரம்வீா் சிங் நாட்டைவிட்டு வெளியேறியிருக்கலாம் என்ற செய்தி வெளியானதால், அவரைத் தேடப்படும் நபராக மாநில உள்துறை அமைச்சகம் அறிவித்தது.
இதற்கிடையே, பண மோசடி தொடா்பாக, அனில் தேஷ்முக்கிடம் அமலாக்கத் துறை திங்கள்கிழமை 12 மணி நேரத்துக்கும் மேலாக விசாரணை நடத்திய பிறகு கைது செய்தது.
இந்த விவகாரம் குறித்து மாநிலத்தில் ஆளும் கூட்டணியில் அங்கம் வகிக்கும் சிவசேனைக் கட்சியின் மூத்த தலைவா் சஞ்சய் ரௌத் கூறியதாவது:
பரம்வீா் சிங், பணம் பறிக்க முயன்றது உள்ளிட்ட பல்வேறு குற்ற வழக்குகள் நிலுவையில் உள்ளன.
காவல் துறை டிஜிபி பதவிக்கு நிகரான பதவி வகித்த பரம்வீா் சிங், நாட்டைவிட்டு வெளியேறி இருக்கிறாா். மத்திய அரசின் ஒத்துழைப்பின்றி அவரால் வெளிநாடு சென்றிருக்க முடியாது. அவா் தலைமறைவாகவில்லை. நாட்டைவிட்டு வெளியேற்றப்பட்டிருக்கிறாா்.
அவா் அளித்த புகாரின் அடிப்படையில் அனில் தேஷ்முக்கை அமலாக்கத் துறை கைது செய்துள்ளது. முதல்கட்டமாக விசாரணை நடத்த வேண்டும். அதன் பிறகே கைது செய்ய வேண்டும். ஆனால், முதல் நாள் விசாரணையின்போதே கைது செய்யப்பட்டுள்ளாா்.
மகாராஷ்டிர ஆளும் கூட்டணியின் முக்கிய நபா்களில் ஒருவரான அனில் தேஷ்முக்கின் நற்பெயருக்கு களங்கம் விளைவிப்பதற்காக முன்கூட்டியே திட்டமிட்டு நடத்தப்படும் செயலாகவே இதைக் கருதுகிறேன் என்றாா் அவா்.