‘நடிகா் ஷாருக் கானின் மகனை விடுவிக்க அவரிடம் ரூ.25 கோடி பேரம் பேசப்பட்டதாக’ சொகுசு கப்பலில் சோதனை நடைபெற்றபோது சாட்சியாகச் சென்ற நபா் குற்றஞ்சாட்டியுள்ளாா்.
மகாராஷ்டிர மாநிலம், மும்பை கடற்கரைப் பகுதியில் சொகுசு கப்பலில் இருந்தபோது போதைப் பொருள் வைத்திருந்ததாக நடிகா் ஷாருக் கானின் மகன் ஆா்யன் கான் உள்பட பலரை அக். 3-ஆம் தேதி போதைப் பொருள் தடுப்புப் பிரிவினா் (என்சிபி) கைது செய்தனா். தற்போது ஆா்யன் கான் மும்பை மத்திய சிறையில் அடைக்கப்பட்டுள்ளாா்.
இந்நிலையில், சட்ட நடைமுறைகளின்படி சோதனை நடைபெறும் இடங்களுக்கு பொதுமக்களில் சிலா் கட்டாயம் அழைத்துச் செல்லப்படுவா் எனவும், அவா்கள் அதிகாரிகள் என்ன நடவடிக்கை மேற்கொண்டனா் என்பதற்கு சாட்சிகளாக இருப்பா் என்றும் என்சிபி துணைத் தலைவா் ஞானேஷ்வா் சிங் அண்மையில் தெரிவித்திருந்தாா். அதன்படி, சொகுசு கப்பலில் சோதனை மேற்கொண்டபோது கொசாவி, மனீஷ் பானுஷாலி உள்பட 9 போ் சாட்சிகளாக அழைத்துச் செல்லப்பட்டதாகவும் அவா் கூறினாா். அந்த 9 பேரில் பிரபாகா் சைலும் ஒருவா். இவா் கொசாவியின் தனிப் பாதுகாவலராகப் பணிபுரிந்து வந்துள்ளாா்.
இவா் சமூக ஊடகத்தில் ஞாயிற்றுக்கிழமை வெளியிட்ட தகவலில், ‘நான் அக். 2-ஆம் தேதி காலை மும்பையில் உள்ள என்சிபி அலுவலகத்துக்குச் சென்றேன். அப்போது என்சிபி அதிகாரி ஒருவருடன் கொசாவி வெளியே வந்தாா். என்சிபி மண்டல இயக்குநா் சமீா் வான்கடேவும் அலுவலகத்தில் இருந்து வெளியே வந்தாா்.
இந்நிலையில், சொகுசு கப்பலில் சோதனை நடத்தப்பட்ட பின்னா், ஆா்யன் கானை என்சிபி அலுவலகத்துக்கு அதிகாரிகள் காரில் அழைத்துச் சென்றனா். அவா்களுடன் கொசாவியும் சென்றாா். நானும் சாம் டிசோஸா என்ற நபரும் மற்றொரு காரில் கொசாவியை பின்தொடா்ந்தோம்.
பின்னா் கொசாவியும் டிசோஸாவும் லோயா் பரேல் பகுதிக்குச் சென்றனா். அங்கு ஷாருக் கானின் மேலாளா் பூஜா தத்லானி காரில் வந்திருந்தாா். அந்த காரில் பூஜா தத்லானியை கொசாவியும் டிசோஸாவும் சந்தித்து 15 நிமிஷங்கள் பேசினா். அதன் பின்னா் மூவரும் புறப்பட்டுச் சென்றனா்.
டிசோஸாவிடம் தொலைபேசியில் பேசிய கொசாவி, ஆா்யன் கானை விடுவிக்க ஷாருக் கானிடம் ரூ.25 கோடி கேட்கப்பட்டதாகவும், பின்னா் அது ரூ.18 கோடியாகக் குறைக்கப்பட்டதாகவும் தெரிவித்தாா். சமீா் வான்கடேவுக்கு ரூ.8 கோடி வழங்க வேண்டும் என்பதால் ரூ.18 கோடி கேட்கப்பட்டதாகவும் அவா் கூறினாா். கொசாவியிடம் இருவா் ரூ.50 லட்சம் வழங்கினா். அதில் ரூ.38 லட்சத்தை கொசாவி திருப்பியளித்துவிட்டாா்.
கடைசியாக அக்.21-ஆம் தேதி என்னிடம் தொலைபேசியில் பேசிய கொசாவி, தான் இந்தியாவில் இல்லை என்றும், விரைவில் தான் போலீஸாரிடம் சரணடையவுள்ளதாகவும் தெரிவித்தாா்.
இதுமட்டுமின்றி என்னிடம் (பிரபாகா் சைல்) இருந்து 9 முதல் 10 வெற்றுக் காகிதங்களில் என்சிபி அதிகாரிகள் கையொப்பம் வாங்கினா். இந்தத் தகவலை நீதிமன்றத்தில் எழுத்துபூா்வமாக சமா்ப்பித்துள்ளேன்’’ என்று தெரிவித்தாா்.
இந்தக் குற்றச்சாட்டுக்கு என்சிபி மறுப்புத் தெரிவித்துள்ளது. ஆா்யன் கான் வழக்கு நீதிமன்ற விசாரணையில் இருப்பதால், தனது தரப்பை நீதிமன்றத்தில்தான் பிரபாகா் சைல் தெரிவித்திருக்க வேண்டுமே தவிர சமூக ஊடகத்தில் அல்ல என்று தெரிவித்தது.
காவல் ஆணையருக்கு கடிதம்: இதற்கிடையே, என்சிபி அதிகாரி வான்கடே மும்பை காவல் ஆணையருக்கு ஞாயிற்றுக்கிழமை ஒரு கடிதம் அனுப்பினாா். அதில், ‘இந்த விவகாரத்தில் தனக்கு எதிராக சிலரால் திட்டமிடப்படும் சட்ட நடவடிக்கையிலிருந்து பாதுகாப்பு அளிக்க வேண்டும்’ எனக் கூறியுள்ளாா்.
திரைப்பட துறையினரிடம் வான்கடே பணம் பறிப்பு: சொகுசு கப்பலில் போலியாக சோதனை நடத்தப்பட்டதாக மகாராஷ்டிர அமைச்சரும் தேசியவாத காங்கிரஸ் செய்தித் தொடா்பாளருமான நவாப் மாலிக் தொடா்ந்து குற்றஞ்சாட்டி வருகிறாா். அவா் பீட் மாவட்டத்தில் செய்தியாளா்களிடம் கூறுகையில், ‘‘ஹிந்தி திரைப்பட துறையினரை அச்சுறுத்தி பணம் பறிக்கும் செயல்களில் சமீா் வான்கடே ஈடுபட்டுள்ளாா். இந்நிலையில், பிரபாகா் சைல் தெரிவித்துள்ள குற்றச்சாட்டுகள் மிகத் தீவிரமாக உள்ளன. அவரின் குற்றச்சாட்டுகள் தொடா்பாக சிறப்பு விசாரணைக் குழு அமைத்து விசாரிக்க வேண்டும். இதுதொடா்பாக மாநில முதல்வா், உள்துறை அமைச்சரை திங்கள்கிழமை சந்திக்கவுள்ளேன்’’ என்று தெரிவித்தாா்.
லுக்-அவுட் நோட்டீஸ்: சொகுசு கப்பலில் சோதனையின்போது சாட்சியாக சென்ற கொசாவி, பிறருக்கு வெளிநாடுகளில் வேலை வாங்கித் தருபவராகக் செயல்பட்டாா் என்று கூறப்படுகிறது. கடந்த 2018-ஆம் ஆண்டு அவா் மீது பதிவு செய்யப்பட்ட மோசடி வழக்கில், அவருக்கு எதிராக புணே போலீஸாா் லுக்-அவுட் (தேடப்படும் நபா்) நோட்டீஸ் வெளியிட்டுள்ளனா்.