நாட்டில் தொடர்ந்து குறைந்து தினசரி தொற்று பாதிப்பு 18,870 ஆக குறைந்தது!

புதுதில்லி: நாட்டில் தினசரி தொற்று பாதிப்பும், பலி எண்ணிக்கையும் தொடர்ந்து குறைந்து வருவது ஆறுதல் தரும் செய்தியாக உள்ளது. புதன்கிழமை காலை வரையிலான 24 மணி நேரத்தில் புதிதாக 18,870 பேருக்கு கரோனா நோய்த்தொற்று உறுதி செய்யப்பட்டுள்ளது. அதே நேரத்தில் 28,178 பேர் பாதிப்பில் இருந்து மீண்டுள்ளதாக மத்திய சுகாதார மற்றும் குடும்ப நல அமைச்சகம் தெரிவித்துள்ளது.  

மத்திய சுகாதாரத் துறை வெளியிட்டுள்ள அறிவிப்பில் கூறியிருப்பதாவது: நாட்டில் புதன்கிழமை காலை 9 மணி வரையிலான 24 மணி நேரத்தில் 18,870 பேருக்கு புதிதாக தொற்று பாதிப்பு உறுதி செய்யப்பட்டுள்ளது. இதனால் மொத்த கரோனா பாதிப்பு எண்ணிக்கை 3,37,16,451-ஆக உயா்ந்துள்ளது. 

28,178 தொற்றிலிருந்து குணமடைந்து வீடு திரும்பியுள்ளனர். இதுவரை மொத்தம் 3,29,86,180 பேர் குணமடைந்துள்ளனர். இதனால், நோய்த் தொற்றுக்கு சிகிச்சை பெற்று வருவோரின் எண்ணிக்கை 2,82,520-ஆக உள்ளது. குணமடைந்தோரின் விகிதம் 97,81 சதவிகிதமாகவும், சிகிச்சை பெறுவோரின் விகிதம் 0.87சதவிகிதமாக குறைந்துள்ளது. 

கடந்த 24 மணி நேரத்தில் தொற்று பாதிப்புக்கு 378 பேர் உயிரிழந்தனர். இதனால், மொத்த கரோனா உயிரிழப்பு 4,47,751-ஆக அதிகரித்துள்ளது.  உயிரிழந்தோரின் விகிதம் 1.33 சதவிகிதமாக உள்ளது. 

இதையும் படிக்க  | ‘கல்வி நிலையங்களில் மொழிப் பாடத்துக்கான நேரத்தைக் குறைப்பது வேதனை’

நாட்டிலேயே கரோனா பாதிப்பு அதிகமுள்ள மாநிலமான கேரளத்திலும் தொடர்ந்து பாதிப்பும், பலியும் குறைந்து வருகிறது. கடந்த 24 மணி நேரத்தில் மட்டும் 11,196  பேருக்கு உறுதி செய்யப்பட்டுள்ளது. தொற்றுக்கு 149 பேர் உயிரிழந்துள்ளனர்.

நாடு முழுவதும் செலுத்தப்பட்டுள்ள கரோனா தடுப்பூசியின் மொத்த எண்ணிக்கை 87,66,63,490 கோடியாக அதிகரித்துள்ளது. 

நாடு முழுவதும் கடந்த 24 மணி நேரத்தில் செவ்வாய்க்கிழமை மட்டும் 54,13,332 தடுப்பூசிகள் செலுத்தியுள்ளனர் சுகாதாரத்துறை பணியாளர்கள். 

இந்தியாவில் இதுவரை மொத்தம் 56,74,50,185 பரிசோதனைகளும், செவ்வாய்க்கிழமை மட்டும் 15,04,713 பரிசோதனைகள் மேற்கொள்ளப்பட்டுள்ளதாக ஐசிஎம்ஆர் தெரிவித்துள்ளது.